Áleýmettik jelide AMANAT partıasynyń eks-qyzmetkeri ustalǵany týraly aqparat tarady, dep habarlaıdy Dalanews.kz.
Buǵan deıin Shymkentte sheneýnikten 10 mıllıon teńge bopsalaǵan jýrnalıs ári bloger ustalǵan edi. Ol AMANAT partıasynyń eks-qyzmetkeri bolýy múmkin.
Aldyn ala málimetke sáıkes kúdikti ákimdik qyzmetkerinen 10 mıllıon teńge kóleminde aqsha talap etken.
"Ol bul somaǵa áleýmettik jelilerde memlekettik organdardyń qyzmetin qaralaıtyn materıaldardy taratpaýǵa ýáde bergen. Bul jaıt boıynsha qylmystyq is qozǵaldy. Tergeý aıasynda kúdiktiniń turǵylyqty jeri men keńsesinde tintý júrgizilip, nátıjesinde elektron qurylǵylar men ózge de zattaı aıǵaqtar tárkilendi.
Kúdikti ýaqytsha ustaý ızolátoryna qamaýǵa alyndy. Qazir oqıǵanyń barlyq mán-jaıyn anyqtaýǵa baǵyttalǵan tergeý júrgizilip jatyr", - dedi İİM ókilderi búgin.
