Almatylyq delegattar jýrnlaistermen júzdesýinde sessiianyń birinshi kúni pikirtalas alańy uiymdastyrylyp, mańyzdy ideialarmen bóliskenderin alǵa tartty.
– Bul is-shara el tarihyndaǵy asa mańyzdy oqiǵa bolyp tabylady. Qazaqstan Prezidenti sessiiaǵa QHA tóraǵasy retinde qatysyp, óte mańyzdy máselelerdi kóterdi.
Talqylaý barysynda mańyzdy máseleler kóterildi, Assambleia músheleri bizdiń qoǵamdy tolǵandyratyn taqyryptarǵa qatysty oilarymen bólisti. Sessiia sońynda biz óte jaqsy kóńil-kúimen oraldyq, – dedi «Uiǵyr avazi» qoǵamdyq-saiasi gazetiniń bas redaktory, Qazaqstan uiǵyrlary respýblikalyq etno-mádeni ortalyǵynyń joǵary keńesiniń tóraǵasy, QHA múshesi Ershat Asmatov.
QHA sessiiasyndaǵy mańyzdy bastamalardyń ishinde qazaqstandyqtardyń birligin nyǵaitý quraly retinde memlekettik tilge erekshe mán berilgenin atap ótken jón.
– Ádettegidei QHA alańy birqatar strategiialyq tapsyrmalar beriletin basty alańdardyń biri bolyp tabylady. Búginde QHA aldynda jalpymemlekettik mindetter tur. Osyndai birqatar mindetterdi biz Memleket basshysy men QHA-dan jergilikti jerlerde, óńirlerde jumys júrgizý úshin aldyq. Onyń ishinde jastarmen belsendi jumys jasaý. Memleket basshysynyń ózi bizdiń jobalarymyzdyń biri – "Úide sóileńiz" aýla klýbyn atap ótkenine óte qýanyshtymyz. Bul jobany biz Almaty qalasynyń turǵyndarymen birge iske qostyq, – dep bólisti «Assambleia jastary» RQB múshesi, Qazaqstan uiǵyr jastar odaǵynyń tóraǵasy Rýstam Qairyev.
Spiker atap ótkendei, bul joba qazaq tilin úirengisi keletin Almaty turǵyndarynyń azamattyq bastamasy boiynsha iske qosyldy. Dál osyndai klýb Astana qalasynda bar, al Qaraǵandy jáne Pavlodar qalalarynda ashylý josparlanýda.
Óz kezeginde, Almaty qalasy QHA Jýrnalister klýbynyń tóraǵasy, "Deutsche Allgemeine Zeitung" Respýblikalyq nemis gazetiniń bas redaktory Olesia Klimenko aqparattyq jumysta jastarǵa kóp kóńil bólý qajet ekenin atap ótti.
– Etnomádeni basylymnyń ókili retinde meni eń aldymen aqparattyq qaýipsizdik máseleleri tolǵandyrdy. Memleket basshysy 32-shi sessiia aiasynda bul máselege erekshe nazar aýdardy.
Atap aitqanda, ol sońǵy ýaqytta jalǵan aqparattyń taralýy jiilep ketkenin aitty. Ókinishke orai, aýyr jáne keide qaiǵyly saldarǵa ákelýi múmkin. Sondyqtan, biz, BAQ ókilderi, qolymyzdy impýlste ustaýymyz kerek. Bizdiń ultaralyq kelisim modelimiz týraly kóbirek jazý jáne halqymyzdyń dostyǵy týraly kóbirek materialdardy jazý qajet.
Múmkin, biz etnikalyq BAQ, jumystyń jańa ádisterin – chellendjderdi, Tiktokty qabyldap, eń aldymen jastarymyzdy qyzyqtyratyn materialdardy daiyndaýymyz kerek, – dedi O.Klimenko.
