Áleýmettik jelilerde aǵymdaǵy jyldyń 31 mamyrynda jergilikti atqarýshy organdarmen kelisilgen mitingiler men sherýlerge qatysý týraly jalǵan habarlamalar men arandatýshylyq úndeýler keńinen taralýda.
Bul aqparat shyndyqqa sáikes kelmeitinin habarlaimyz.
Bul kúnderi Almaty qalasynda qandai da bir beibit jinalystar ótkizý kelisilmedi.
Osyǵan bailanysty, jalǵan habarlamalarmen jariialanǵan aktsiialardy uiymdastyrý jáne olarǵa qatysý, sondai-aq olarǵa shaqyrý zańsyz bolyp tabylatynyn eskertemiz.
Ókinishke orai, mitingilerdi nemese ózge de beibit jinalysty ótkizýdiń zańdy tártibin birneshe ret túsindirýge qaramastan, ony buzý oryn alyp kelýde.
Beibit jinalystardy ótkizý tártibi 2020 jylǵy 25 mamyrda qabyldanǵan "Qazaqstan Respýblikasynda beibit jinalystardy uiymdastyrý jáne ótkizý tártibi týraly" Zańmen (budan ári - zań) bekitilgenine nazar aýdaramyz.
Tiisinshe, Zań talaptaryn buza otyryp ótkiziletin mitingilerdi, sherýlerdi, jinalystardy nemese demonstratsiialardy uiymdastyrý jáne olarǵa qatysý (Zańnyń 3 - babynyń 3-tarmaǵy)
Ákimshilik quqyq buzýshylyq týraly Kodeksiniń 488-baby boiynsha jaýaptylyqqa, onyń ishinde 25 táýlikke deiin qamaqqa alý sharasyna ákep soǵady.
Zańdylyqty, qoǵamdyq qaýipsizdikti qamtamasyz etý, quqyq buzýshylyqtardyń aldyn alý, adam men azamattyń quqyqtary men bostandyqtaryn qorǵaý maqsatynda qoldanystaǵy zańnama normalaryn múltiksiz saqtaýǵa, arandatýshylyqqa berilmeýge jáne zańsyz aktsiialardy, olarǵa jariia túrde shaqyrýlardy uiymdastyrýdan jáne olarǵa qatysýdan bas tartýǵa shaqyramyz.
Quqyq qorǵaý organdary belgilengen quqyqtyq tártipke qol suǵatyn kez kelgen quqyq buzýshylyqtardyń jolyn kesip, kináli adamdarǵa zańda kózdelgen barlyq sharalardy qabyldaityn bolady.
