Ekologıa mınıstrligi Almatydaǵy tumshanyń basty sebebi avtokólikter dep jyldar boıy aıtyp keldi. Vedomstvo taratqan málimetterde zıandy shyǵaryndylardyń 60 paıyzy kólikke tıesili ekeni kórsetiletin. Alaıda halyqaralyq sarapshylar júrgizgen zertteý múlde basqa nátıjeni kórsetti, dep habarlaıdy Dalanews.kz.

Ólsheý qorytyndysyna sáıkes, Almatydaǵy PM 2.5 dep atalatyn usaq qatty bólshekterdiń deńgeıi Dúnıejúzilik densaýlyq saqtaý uıymy belgilegen normadan jeti eseden astam joǵary.

Zertteý derekterine qaraǵanda, aýany eń kóp lastaıtyn negizgi kózder – jylý elektr ortalyqtary men kómir jaǵatyn jeke sektor. Olardyń jıyntyq úlesi 34 paıyzdy quraıdy. Budan keıingi iri faktor – jol boıynan kóteriletin shań. Onyń úlesi 32 paıyzǵa jetedi.

Sarapshylardyń aıtýynsha, lastanýdyń taǵy 20 paıyzy qalanyń qazanshuńqyrda ornalasýyna baılanysty jınalyp qalatyn aýa massalarynyń áserinen bolady. Al avtokólik shyǵaryndylarynyń naqty úlesi nebári 14 paıyz bolyp shyqqan.

Osylaısha, zertteý nátıjesi jappaı elektromobılge kóshý Almatydaǵy las aýa máselesin tolyq sheshpeıtinin kórsetti.