Soltústik Qazaqstan oblysynda sheteldikterdiń elde bolý zańdylyǵy tekserilip jatyr, dep habarlaidy Dala News.
Politsiia qyzmetkerleri «Migrant» jedel-profilaktikalyq is-sharasy aiasynda bazarlar, vokzaldar, qurylys nysandary men qoǵamdyq tamaqtaný oryndaryn baqylaýǵa alǵan.
Jyl basynan beri óńirde 3 334 migratsiialyq zańbuzýshylyq anyqtalǵan. Qaitalanǵan quqyqbuzýshylyqtar úshin 10 sheteldik elden shyǵaryldy.
Politsiia málimetinshe, zańbuzýshylyqtardyń basym bóligi:
– sheteldikterdiń elde bolý merzimin buzýymen,
– qazaqstandyqtardyń sheteldik qonaqtar týraly ýaqytyly habarlamaýymen bailanysty.
Qazirgi tańda óńirde 10 775 shetel azamaty turady. Onyń ishinde:
– 6 347 adam – turaqty,
– 4 428 adam – ýaqytsha turýǵa ruqsat alǵan.
«Migrant» is-sharasy 17 naýryzdan bastalyp, qoǵamdyq tártip pen zańdylyqty kúsheitýge baǵyttalǵan.
