سولتۇستىك قازاقستان وبلىسىندا شەتەلدىكتەردىڭ ەلدە بولۋ زاڭدىلىعى تەكسەرىلىپ جاتىر، دەپ حابارلايدى Dala News.

پوليسيا قىزمەتكەرلەرى «ميگرانت» جەدەل-پروفيلاكتيكالىق ءىس-شاراسى اياسىندا بازارلار، ۆوكزالدار، قۇرىلىس نىساندارى مەن قوعامدىق تاماقتانۋ ورىندارىن باقىلاۋعا العان.

جىل باسىنان بەرى وڭىردە 3 334 ميگراسيالىق زاڭبۇزۋشىلىق انىقتالعان. قايتالانعان قۇقىقبۇزۋشىلىقتار ءۇشىن 10 شەتەلدىك ەلدەن شىعارىلدى.

پوليسيا مالىمەتىنشە، زاڭبۇزۋشىلىقتاردىڭ باسىم بولىگى:
– شەتەلدىكتەردىڭ ەلدە بولۋ مەرزىمىن بۇزۋىمەن،
– قازاقستاندىقتاردىڭ شەتەلدىك قوناقتار تۋرالى ۋاقىتىلى حابارلاماۋىمەن بايلانىستى.

قازىرگى تاڭدا وڭىردە 10 775 شەتەل ازاماتى تۇرادى. ونىڭ ىشىندە:
– 6 347 ادام – تۇراقتى،
– 4 428 ادام – ۋاقىتشا تۇرۋعا رۇقسات العان.

«ميگرانت» ءىس-شاراسى 17 ناۋرىزدان باستالىپ، قوعامدىق ءتارتىپ پەن زاڭدىلىقتى كۇشەيتۋگە باعىتتالعان.