– Almatydaǵy atys lańkestik shabýylǵa teńestirilip otyr. Qazirgi jaǵdaida Almaty ǵana emes, búkil respýblika kóleminde lańkestiktiń qaýpi joǵary. Ókinishke qarai, bilik muny kesh ańǵardy. 2000-jyldardyń ortasynan bastap qamdaný kerek edi. Sońǵy 10 jylda myńdaǵan qazaqstandyq radikaldy ideologiianyń arbaýyna túsip qaldy. Almatydaǵy oqiǵa sonyń kezekti kórinisi, – deidi Dosym Sátbaev.
Onyń aitýynsha, kúsh qurylymdarynyń qyzmetkerlerine shabýyl jasaý radikaldardyń «dástúrine» enip ketken.
– Qazaqstannyń túrli óńirinde kúsh qurylymdarynyń ókilderine oq otqan oqiǵalarǵa kýá boldyq. Olar osy arqyly bir oqpen eki qoian atyp alýdy kózdeidi. Birinshisi, biliktiń sharasyzdyǵy, ekinshisi el arasynda politsiiaǵa degen senimsizdik týǵyzý, – dep sanaidy sarapshy.
– 2000-shy jyldardyń basynda Almatyda kúsh qurylymdary men radikaldar arasynda úlken atys boldy. Terrorlyq qaýip-qaterdiń alǵashqy belgileri, mine, sol kezderi baiqalǵan bolatyn. Anyǵynda, Almaty qalasy Qazaqstan ǵana emes, sonymen birge, basqa da elderden kelgen radikaldy qurylymdar shoǵyrlanǵan jer. Al qazirgi jaǵdaidy qosa qarastyrǵanda, ahýaldyń budan ári de ýshyǵa túsetinin boljaimyn, – deidi Sátbaev.
Sarapshynyń aitýynsha, endigi jerde barlyq Qazaqstan turǵyndary «lańkestik qaýip-qaterdiń kórinis beretin jaǵdaiynda» ómir súretinin sezinýi kerek.
– Turǵyndarǵa saq bolǵan jón jáne quqyq qorǵaý organdaryna barynsha kómektesýi qajet. Qoǵam men bilik birikpei, lańkestikke qarsy tiimdi kúrese almaimyz. Ókinishke qarai, bilik árkez kesh qimyldaidy, sebebimen emes, saldarymen kúresedi. Lańkestik qaýip-qaterdiń aldyn-alýǵa baǵyttalǵan jumystar atymen joq. Tipti, bar bolǵan kúnniń ózinde, bul baǵyttaǵy jumys tiimdi júrip jatyr dep aita almaimyn, – deidi Sátpaev.
