Ishki ister ministrligi Almatydaǵy atysqa qatysty túsinikteme berdi
18-shildede tańerteńgi saǵat 11-ler kezinde Almatydaǵy Almaly aýdandyq ishki ister basqarmasyna basyp kirgen qylmysker aldymen posttaǵy politsiia qyzmetkerin jaraqattaǵan, artynsha onyń avtomatty qarýyn tartyp alyp, izin sýytqan.
Qylmyskerdiń izine túsken «Boran» patrýl ekipajynyń eki qyzmetkeri qaskúnemderdi qýdalaý kezinde jaraqat aldy.
Keiinnen kúdiktiniń júrgen jeri anyqtalyp, ol politsiiamen bolǵan atys kezinde jaraqat aldy. Politseiler qaskúnemdi «Qazaqkontsert» AQ mańynda quryqtady.
Qylmyskerdi ustaý barysynda 2 politsiia qyzmetkeri jaraqattanǵan.
Ókinishke qarai, budan buryn qylmysker joldaǵy jeńil kólikti tartyp almaq bolyp, onyń iesine oq atqan. Sonyń saldarynan jeńil kóliktiń jazyqsyz júrgizýshisi qaitys boldy. Sonymen qatar, aýyr jaraqat alǵan úsh politsiia qyzmetkeri kóz jumdy.
Aldyn-ala málimet boiynsha, qolǵa túsken 27 jasar azamat Qyzylorda oblysynyń turǵyny. Buryn sotty bolǵan. Buǵan qosa, ol ótken demalys kúnderi áiel adamdy óltirdi dep aiyptalýda.
Qazir Almaty qalasynda «Dabyl» jedel jospary engizilgen. Barlyq politsiia qyzmetkerleri qylmyskerdiń sybailasyn izdestirý ústinde.
