ٸشكٸ ٸستەر مينيسترلٸگٸ الماتىداعى اتىسقا قاتىستى تٷسٸنٸكتەمە بەردٸ
18-شٸلدەدە تاڭەرتەڭگٸ ساعات 11-لەر كەزٸندە الماتىداعى المالى اۋداندىق ٸشكٸ ٸستەر باسقارماسىنا باسىپ كٸرگەن قىلمىسكەر الدىمەن پوستتاعى پوليتسييا قىزمەتكەرٸن جاراقاتتاعان, ارتىنشا ونىڭ اۆتوماتتى قارۋىن تارتىپ الىپ, ٸزٸن سۋىتقان.
قىلمىسكەردٸڭ ٸزٸنە تٷسكەن «بوران» پاترۋل ەكيپاجىنىڭ ەكٸ قىزمەتكەرٸ قاسكٷنەمدەردٸ قۋدالاۋ كەزٸندە جاراقات الدى.
كەيٸننەن كٷدٸكتٸنٸڭ جٷرگەن جەرٸ انىقتالىپ, ول پوليتسييامەن بولعان اتىس كەزٸندە جاراقات الدى. پوليتسەيلەر قاسكٷنەمدٸ «قازاقكونتسەرت» اق ماڭىندا قۇرىقتادى.
قىلمىسكەردٸ ۇستاۋ بارىسىندا 2 پوليتسييا قىزمەتكەرٸ جاراقاتتانعان.
ٶكٸنٸشكە قاراي, بۇدان بۇرىن قىلمىسكەر جولداعى جەڭٸل كٶلٸكتٸ تارتىپ الماق بولىپ, ونىڭ يەسٸنە وق اتقان. سونىڭ سالدارىنان جەڭٸل كٶلٸكتٸڭ جازىقسىز جٷرگٸزۋشٸسٸ قايتىس بولدى. سونىمەن قاتار, اۋىر جاراقات العان ٷش پوليتسييا قىزمەتكەرٸ كٶز جۇمدى.
الدىن-الا مەلٸمەت بويىنشا, قولعا تٷسكەن 27 جاسار ازامات قىزىلوردا وبلىسىنىڭ تۇرعىنى. بۇرىن سوتتى بولعان. بۇعان قوسا, ول ٶتكەن دەمالىس كٷندەرٸ ەيەل ادامدى ٶلتٸردٸ دەپ ايىپتالۋدا.
قازٸر الماتى قالاسىندا «دابىل» جەدەل جوسپارى ەنگٸزٸلگەن. بارلىق پوليتسييا قىزمەتكەرلەرٸ قىلمىسكەردٸڭ سىبايلاسىن ٸزدەستٸرۋ ٷستٸندە.
