Almaty qalasynyń ákimdigi Medeý aýdanynda memlekettik qajettilik úshin jer telimderin májbúrli túrde alyp qoıýdy bastaý týraly qaýlyny bekitti, dep habarlaıdy Dalanews.kz.
Ákimdik málimetinshe, áńgime Medeý aýdanynda ornalasqan 21 jer telimi týraly bolyp otyr. Atap aıtqanda, olar myna mekenjaılarda ornalasqan:
- Júrgenov kóshesi, 42;
- Latıf Hamıdı kóshesi, 17/40, 19 jáne 21/37.
Bul aýmaqta qys mezgilinde qardy joıýǵa arnalǵan qar eritý pýnktin salý josparlanǵan.
Qaýlyǵa 25 jeltoqsanda qol qoıylǵan. Al jer telimderin alyp qoıý rásimi 2027 jyldyń 31 jeltoqsanyna deıin aıaqtalýy tıis. Osy merzim ishinde menshik ıelerimen zańda kózdelgen barlyq sharalar júrgiziledi, onyń ishinde ótemaqy tóleý de qarastyrylǵan.
Almatyda memlekettik qajettilik úshin jer satyp alý jumystaryn Qala jer ortalyǵy basqarmasy júzege asyrady.
