Qasym-Jomart Toqaev biyl elimizdiń 9 óńirine jumys saparymen baryp, 50-den asa óndiristik, ǵylymi, áleýmettik-mádeni nysandy aralap kórdi. Bul týraly Prezidenttiń kómekshisi - baspasóz hatshysy Rýslan Jeldibai málimdedi, dep habarlaidy Dalanews.kz.
Sondai-aq, Prezident 16 oblys jáne respýblikalyq mańyzy bar qala ákimderiniń esebin tyńdady.
Bir jyl ishinde Memleket basshysy 23 ret shetelge shyqty. Onyń ishinde Reseige jáne Ózbekstanǵa memlekettik saparmen bardy. QHR, Iordaniia, Túrkiia, Qyrǵyzstan jáne Japoniia sekildi elderge 5 resmi sapar uiymdastyryldy. Resei (eki ret), AQSh (eki ret), Túrikmenstan (eki ret), BAÁ, Ózbekstan, Ázerbaijan, Tájikstan jáne Qyrǵyzstan siiaqty memleketterge 16 márte jumys saparymen bardy.
Halyqaralyq kezdesýler kezinde jalpy somasy 70 milliard dollardan asatyn kommertsiialyq kelisimder jasaldy. Prezident shet memleketterdiń úkimet basshylarymen, basqa da joǵary laýazymdy tulǵalarymen, halyqaralyq qurylymdar jetekshilerimen, iskerlik top ókilderimen jáne sarapshylarmen 186 kezdesý ótkizdi.
Qazaqstan halyqaralyq dialogtyń belsendi alańyna ainaldy. 2025 jyly shet memleketterdiń basshylary Qazaqstanǵa 30 ret caparmen keldi.
Olardyń arasynda QHR, Italiia (eki ret), Grýziia, Ózbekstan, Sloveniia, Vetnam, BAÁ, Rýanda, Soltústik Makedoniia, Bolgariia, Slovakiia, Iordaniia, Kongo Demokratiialyq Respýblikasy, Mianma, Majarstan, Ázerbaijan, Finliandiia, Estoniia, Armeniia, Túrikmenstan, Shveitsariia jáne Iran elderiniń memleket jáne úkimet basshylary bar.
Qasym-Jomart Toqaev ózge de prezidenttermen 43 márte telefon arqyly sóilesti. Budan bólek, 4 resmi rásim barysynda 30 memlekettiń elshilerinen senim gramotalaryn qabyldady.
Bir jyl ishinde Prezident óńirlerge jáne shet memleketterge jasaǵan sapary barysynda 168 960 shaqyrym jol júrdi. 252 saǵat ýaqytyn ushaqta ótkizdi.
