Jeltoqsan aiynda Qazaqstandaǵy munai jáne gaz kondensatyn óndirý kólemi 6%-ǵa azaiyp, táýligine shamamen 1,93 mln barreldi qurady. Bul týraly Reuters agenttigi málimdedi, dep habarlaidy Dalanews.kz.
Aita keteiik, buǵan deiin Energetika ministri Erlan Aqkenjenov Kaspii qubyry konsortsiýmynyń infraqurylymyna Ýkraina áskeriniń jasaǵan shabýyly saldarynan Qazaqstan shamamen 100 mln dollar kóleminde shyǵynǵa ushyraǵanyn aitqan edi.
"Nysanda shamamen 2,5 na 3 metr kóleminde úlken tesik paida bolǵan. Bul baǵyttalǵan jarylys saldarynan oryn alǵan. Qazirgi tańda súńgýirler osy ShAQ-tyń júzý qabiletin qalpyna keltirý jumystaryn júrgizip jatyr. Kelesi kezeńde qurylǵynyń ishine kirip, tehnologiialyq jabdyqtardyń zaqymdaný deńgeiin baǵalaý qajet bolady. Eger jóndeý jumystaryn júrgizý múmkindigi bolsa, ShAQ-2 de qaitadan paidalanýǵa beriledi", - dedi ministr.
Onyń aitýynsha, qatar júrgizilip jatqan taǵy bir baǵyt - jańa jabdyqty aýystyrý jumystary.
"Qalpyna keltirý jumystaryna qaramastan, Energetika ministrligi men ulttyq munai-gaz kompaniiasy Birikken Arab Ámirlikterinde óndirilgen eki jańa shetki ailaq qurylǵysyn jetkizý boiynsha barlyq múmkindikti qarastyryp jatyr. Bastapqyda jetkizý sáýir aiyna josparlanǵan edi, alaida qazir logistika qaita pysyqtalyp, olardy qańtar aiynda jetkizý kózdelip otyr", - dep túsindirdi Erlan Aqkenjenov.
Eske salaiyq, 29 qarashada KQK nysandaryna shabýyl jasalyp, VPÝ-2 dep atalatyn qurylǵy aitarlyqtai zaqymdanǵan edi. Konsortsiým arqyly Teńiz, Qashaǵan jáne Qarashyǵanaq ken oryndarynyń munaiy eksporttalady.
Qazaqstannyń Syrtqy ister ministrligi oqiǵaǵa bailanysty resmi nota joldap, narazylyq bildirdi. Al Ýkraina tarapy bul áreket Qazaqstanǵa qarsy baǵyttalmaǵanynmálimdedi.
