Nursultan Nazarbaevtyń Kremlge jasaǵan biylǵy joryǵynda ATB Bank boiynsha garantiialar, Ózbekstandy Eýraziialyq Odaqqa resmi tartýdyń múmkindikteri men Imanǵali Tasmaǵambetovtyń bolashaǵy sóz bolǵan. Resei protokolyndaǵy insaider kóp aqparatpen bólise almasa da, osy negizgi úsh taqyrypty astarlap jetkizdi, dep habarlaidy Dalanews.kz Dala INSIDE derekkózine silteme jasap.
Derekkóz málimetinshe, Reseidegi Aziia-Tynyq muhit banki Nazarbaevqa qaraidy. Keiingi jyldary bank tabysty bola bastady. Biylǵy boljam boiynsha taza tabysy 16 milliard rýbl shamasynda bolýy tiis. Bul 100 milliard teńgeden asady.
“Nazarbaev 2028 jyldan qaldyrmai barlyq biznes aktivterin Reseige shoǵyrlandyrǵysy keledi. Sondyqtan Qazaqstannyń birinshi prezidentine Reseidiń sanktsiiadan bosaǵany asa qajet”, - deidi, DALA INSIDE tildesken ekinshi derekkóz.
Aitýlarynsha, Kremldegi kezdesýde Tasmaǵambetovtyń saiasi bolashaǵy da sóz bolǵan.
“Nazarbaev barlyq biznes aktivterin Reseige kóshirip, olardy ATB Bank tóńiregine shoǵyrlandyryp, ATB Grýpp degendei basqarýshy holding jasai alady. Bul eger Qazaqstanda onyń aktivteri tym qatty qysym kóre bastaǵan jaǵdaiǵa ázirlenip qoiylǵan stsenarii. Pýtinnen ózi dúnieden ótip ketken jaǵdaida, ATB-ny talan-tarajǵa saldyrmai balalarynyń ieliginde qaldyrýdy suraǵany anyq. Eger Reseige salynǵan sanktsiialar joiylatyn bolsa, biyl 20 jasqa tolǵan Taýman Nursultanuly bankke ielik etýge daiyn. Biraq qazirgi jaǵdaida ol ózin Batys úshin toksik sanalatyn aktivtermen bailanystyrǵysy kelmeidi”, - deidi, derekkóz.
Nazarbaev úshin eń utymdy variant – ózine jaqyn adamnyń Qazaqstan biligine kelgeni bolyp tur. Onda biznesiniń barlyǵyn Reseige kóshirip áýre bolmaidy. Kremldegi keshki kezdesýde Tasmaǵambetovtyń saiasi bolashaǵynyń sóz bolýy osy ambitsiiadan týǵan dúnieler. ODKB tóraǵalyǵyn bosatyp bergen Imanǵali Tasmaǵambetov Pýtinge Qazaqstandaǵy kelesi prezidenttik sailaýǵa qatysamyn degen naqty ýádesin bere qoiǵan joq. Kreml Tastan buǵan qatysty jaýabyn 2026 jyldan qaldyrmai aitýyn ótingen degen aqparat bar.
"Bul joly Tasmaǵambetov prezidenttik ambitsiiasynan túbegeili bas tartýy múmkin. Sońǵy jyldary onyń el basqarýǵa degen kózqarasy birshama ózgerdi. Fizikalyq belsendiligi, saiasi jaýapkershiligi kóp prezidenttik jumystan kóri oǵan bos ýaqyty bar, óziniń súiikti jazý, arhiv isterimen ainalysqan kóbirek unap júr. Sondyqtan Qazaqstan tarapy bedeldi halyqaralyq qordyń basshylyǵyn usynsa, Tasmaǵambetov qarsy bolmaýy tiis", - deidi, derekkóz.
Bul jaǵdaida Kreml óziniń zapastaǵy varianty Máýlen Áshimbaevpen jumys istep kórýge tyrysady. Máskeýdegi analitikter Áshimbaevtyń kelesi prezident bolýǵa potentsialy joǵary dep eseptep otyr.
Keshki asta Vladimir Pýtin Ózbekstanmen integratsiiasyn kúsheitý máselesin kóterip, Nazarbaevtyń osy baǵyttaǵy qoldaýyn suraǵan. Ábishulynyń Ózbek prezidenti Shavkat Mirziioevke qanshalyqty sózi óteri belgisiz. Biraq ol ýádeni oryndaýǵa tyrysyp, Mirziioevke qońyraý shalyp ta úlgerdi. Endi Nazarbaev Pýtinmen kelesi jyly mamyr aiynda kezdesip, bir shái ishýge ýaǵdalasqan. Ábishulynyń oǵan deiin Resei soǵysyn toqtatyp, sanktsiialar qamytyn sheshedi degen úmiti bar.
Bir nárseni moiyndaý kerek. Nazarbaev Pýtinge aqyl-keńesin aitqanda, únemi tezirek beibit kelisimge kelý qajettigin eskertip otyrady. Jalpy Nazarbaev soǵysýdy jan-tánimen jek kóretin adam. Oǵan beibit zamanda ómir súrý, tynysh biznes isteý, tirlikter men jobalar jasaý qatty unaidy.
