Pavlodar oblysynda zańsyz berilgen jáne maqsatty paidalanylmaǵan tórt jer ýchaskesi memleket menshigine qaitaryldy, dep habarlaidy dalanews.kz.
Tabiǵatty qorǵaý prokýratýrasy jer paidalaný salasyndaǵy zańdylyqtyń saqtalýyna taldaý júrgizip, jer ýchaskelerin zań talaptaryn óreskel buza otyryp berý jáne olardy uzaq ýaqyt boiy maqsatty paidalanbaý faktilerin anyqtady.
Máselen, Ekibastuz óńirinde jeke orman ósirýge berilgen aýmaǵy 797 gektar jer ýchaskesinde aǵash otyrǵyzý jumystary júrgizilmegen. Bul Jer kodeksiniń 65-babyna qaishy.
Tereńkól jáne Aqqýly aýdandarynda Sý kodeksinde kózdelgen basseindik sý inspektsiiasynyń mindetti kelisimi bolmaǵanyna qaramastan, úshinshi tulǵalarǵa balyq sharýashylyǵyn júrgizý úshin jalpy aýmaǵy 820 gektar sý qorynyń jerleri berilgen.
Anyqtalǵan zań buzýshylyqtar boiynsha tabiǵatty qorǵaý prokýratýrasy ýákiletti organdarǵa qadaǵalaý aktisin engizdi.
Nátijesinde zańsyz berilgen ári maqsatty paidalanylmaǵan, jalpy aýmaǵy 1600 gektardan asatyn, kadastrlyq quny shamamen 1 mlrd teńge bolatyn tórt jer ýchaskesi memleketke qaitaryldy.
Zań buzýshylyqtarǵa jol bergen laýazymdy tulǵalar, onyń ishinde jer qatynastary bólimderiniń basshylary tártiptik jaýapkershilikke tartyldy.
