پاۆلودار وبلىسىندا زاڭسىز بەرٸلگەن جەنە ماقساتتى پايدالانىلماعان تٶرت جەر ۋچاسكەسٸ مەملەكەت مەنشٸگٸنە قايتارىلدى, دەپ حابارلايدى dalanews.kz.
تابيعاتتى قورعاۋ پروكۋراتۋراسى جەر پايدالانۋ سالاسىنداعى زاڭدىلىقتىڭ ساقتالۋىنا تالداۋ جٷرگٸزٸپ, جەر ۋچاسكەلەرٸن زاڭ تالاپتارىن ٶرەسكەل بۇزا وتىرىپ بەرۋ جەنە ولاردى ۇزاق ۋاقىت بويى ماقساتتى پايدالانباۋ فاكتٸلەرٸن انىقتادى.
مەسەلەن, ەكٸباستۇز ٶڭٸرٸندە جەكە ورمان ٶسٸرۋگە بەرٸلگەن اۋماعى 797 گەكتار جەر ۋچاسكەسٸندە اعاش وتىرعىزۋ جۇمىستارى جٷرگٸزٸلمەگەن. بۇل جەر كودەكسٸنٸڭ 65-بابىنا قايشى.
تەرەڭكٶل جەنە اققۋلى اۋداندارىندا سۋ كودەكسٸندە كٶزدەلگەن باسسەيندٸك سۋ ينسپەكتسيياسىنىڭ مٸندەتتٸ كەلٸسٸمٸ بولماعانىنا قاراماستان, ٷشٸنشٸ تۇلعالارعا بالىق شارۋاشىلىعىن جٷرگٸزۋ ٷشٸن جالپى اۋماعى 820 گەكتار سۋ قورىنىڭ جەرلەرٸ بەرٸلگەن.
انىقتالعان زاڭ بۇزۋشىلىقتار بويىنشا تابيعاتتى قورعاۋ پروكۋراتۋراسى ۋەكٸلەتتٸ ورگاندارعا قاداعالاۋ اكتٸسٸن ەنگٸزدٸ.
نەتيجەسٸندە زاڭسىز بەرٸلگەن ەرٸ ماقساتتى پايدالانىلماعان, جالپى اۋماعى 1600 گەكتاردان اساتىن, كاداسترلىق قۇنى شامامەن 1 ملرد تەڭگە بولاتىن تٶرت جەر ۋچاسكەسٸ مەملەكەتكە قايتارىلدى.
زاڭ بۇزۋشىلىقتارعا جول بەرگەن لاۋازىمدى تۇلعالار, ونىڭ ٸشٸندە جەر قاتىناستارى بٶلٸمدەرٸنٸڭ باسشىلارى تەرتٸپتٸك جاۋاپكەرشٸلٸككە تارتىلدى.
