Qazaqstan azamaty AQSh-tyń Florida shtatynda zańdy kóshi-qon mártebesi bolmaǵany úshin ustaldy, dep habarlaidy dalanews.kz.
Qazaqstannyń Syrtqy ister ministrligi áieldi AQSh-tyń immigratsiialyq qyzmeti ustaǵanyn rastady. Qazir qazaqstandyq diplomattar amerikalyq memlekettik organdarmen jáne áieldiń otbasymen bailanysta.
SIM málimetinshe, ustalǵan azamatqa qajetti konsýldyq kómek kórsetilip jatyr.
Buǵan deiin áleýmettik jelilerde Floridada úsh balanyń anasy qazaqstandyq áieldi AQSh-tyń Immigratsiialyq jáne kedendik baqylaý qyzmeti (ICE) ustaǵany týraly aqparat taraǵan edi. Alǵashqy aqparat boiynsha, áieldiń ustalýyna qatysty naqty sebep aitylmaǵan.
