Májilis depýtaty Aidos Sarym Kaspii qubyr konsortsiýmyna (KQK) jasalǵan shabýyldardy ashyq qoldaýdy memleketke opasyzdyqpen nemese terrorizmdi nasihattaýmen teńestirýdi usyndy. Bul jaitqa Ishki ister ministrligi jaýap berdi, dep habarlaidy Dalanews.kz bes.media-ǵa siltep.
IIM málimetinshe, Qazaqstannyń Qylmystyq kodeksinde KQK siiaqty strategiialyq nysandarǵa shabýyldy qoldaǵany úshin arnaiy bap joq. Alaida jariialanǵan pikirdiń mazmunyna qarai ol basqa baptarmen baǵalanýy múmkin.
Iaǵni:
-
256-bap - terrorizmdi nasihattaý nemese terrorlyq áreketke jariia túrde shaqyrý. Mátinde zorlyq-zombylyqty aqtaý, qoldaý nemese durys dep taný belgileri bolsa, osy bap qoldanylady.
-
174-bap -áleýmettik, ulttyq nemese ózge de arazdyqty qozdyrý. Bul bap belgili bir topqa qarsy óshpendilik nemese kúsh qoldanýǵa úndeý bolǵan jaǵdaida qoldanylady.
IIM aqparatyna súiensek, quqyqtyq baǵa naqty nysannyń atalýyna emes, pikirdiń maǵynasy men baǵyt-baǵdaryna beriledi.
Al 175-bap - "Memlekettik opasyzdyq" tek naqty áreketterge qatysty qoldanylady. Bul – sheteldik memleketke nemese uiymǵa ulttyq qaýipsizdikke qarsy is-qimylda kómek kórsetý, tyńshylyq, qupiia aqparatty berý, t.s.s. Ministrlik "áleýmettik jelidegi pikirler ózdiginen memleketke opasyzdyq bolyp sanalmaidy" dep naqtylady.
Sonymen qatar, kez kelgen jazbaǵa quqyqtyq baǵa berý úshin lingvistikalyq jáne psihologiialyq saraptamalar júrgiziledi, avtordyń nieti men jaýapkershilik deńgeii anyqtalady. Iaǵni adam tek shaǵym negizinde emes, dáleldengen qasaqana áreket bolǵan jaǵdaida ǵana jaýapqa tartylady.
IIM qoldanystaǵy zań normalary jetkilikti dep sanaidy jáne Qylmystyq kodekske qosymsha ózgeris engizýdi orynsyz dep esepteidi.
