مەجٸلٸس دەپۋتاتى ايدوس سارىم كاسپيي قۇبىر كونسورتسيۋمىنا (كقك) جاسالعان شابۋىلداردى اشىق قولداۋدى مەملەكەتكە وپاسىزدىقپەن نەمەسە تەرروريزمدٸ ناسيحاتتاۋمەن تەڭەستٸرۋدٸ ۇسىندى. بۇل جايتقا ٸشكٸ ٸستەر مينيسترلٸگٸ جاۋاپ بەردٸ, دەپ حابارلايدى Dalanews.kz bes.media-عا سٸلتەپ.
ٸٸم مەلٸمەتٸنشە, قازاقستاننىڭ قىلمىستىق كودەكسٸندە كقك سيياقتى ستراتەگييالىق نىساندارعا شابۋىلدى قولداعانى ٷشٸن ارنايى باپ جوق. الايدا جارييالانعان پٸكٸردٸڭ مازمۇنىنا قاراي ول باسقا باپتارمەن باعالانۋى مٷمكٸن.
ياعني:
-
256-باپ - تەرروريزمدٸ ناسيحاتتاۋ نەمەسە تەررورلىق ەرەكەتكە جارييا تٷردە شاقىرۋ. مەتٸندە زورلىق-زومبىلىقتى اقتاۋ, قولداۋ نەمەسە دۇرىس دەپ تانۋ بەلگٸلەرٸ بولسا, وسى باپ قولدانىلادى.
-
174-باپ -ەلەۋمەتتٸك, ۇلتتىق نەمەسە ٶزگە دە ارازدىقتى قوزدىرۋ. بۇل باپ بەلگٸلٸ بٸر توپقا قارسى ٶشپەندٸلٸك نەمەسە كٷش قولدانۋعا ٷندەۋ بولعان جاعدايدا قولدانىلادى.
ٸٸم اقپاراتىنا سٷيەنسەك, قۇقىقتىق باعا ناقتى نىساننىڭ اتالۋىنا ەمەس, پٸكٸردٸڭ ماعىناسى مەن باعىت-باعدارىنا بەرٸلەدٸ.
ال 175-باپ - "مەملەكەتتٸك وپاسىزدىق" تەك ناقتى ەرەكەتتەرگە قاتىستى قولدانىلادى. بۇل – شەتەلدٸك مەملەكەتكە نەمەسە ۇيىمعا ۇلتتىق قاۋٸپسٸزدٸككە قارسى ٸس-قيمىلدا كٶمەك كٶرسەتۋ, تىڭشىلىق, قۇپييا اقپاراتتى بەرۋ, ت.س.س. مينيسترلٸك "ەلەۋمەتتٸك جەلٸدەگٸ پٸكٸرلەر ٶزدٸگٸنەن مەملەكەتكە وپاسىزدىق بولىپ سانالمايدى" دەپ ناقتىلادى.
سونىمەن قاتار, كەز كەلگەن جازباعا قۇقىقتىق باعا بەرۋ ٷشٸن لينگۆيستيكالىق جەنە پسيحولوگييالىق ساراپتامالار جٷرگٸزٸلەدٸ, اۆتوردىڭ نيەتٸ مەن جاۋاپكەرشٸلٸك دەڭگەيٸ انىقتالادى. ياعني ادام تەك شاعىم نەگٸزٸندە ەمەس, دەلەلدەنگەن قاساقانا ەرەكەت بولعان جاعدايدا عانا جاۋاپقا تارتىلادى.
ٸٸم قولدانىستاعى زاڭ نورمالارى جەتكٸلٸكتٸ دەپ سانايدى جەنە قىلمىستىق كودەكسكە قوسىمشا ٶزگەرٸس ەنگٸزۋدٸ ورىنسىز دەپ ەسەپتەيدٸ.
