قازاقستاندا مىس كونتسەنتراتىن ٶڭدەۋ تاريفٸن ەسەپتەۋدٸڭ جاڭا ەدٸستەمەسٸ بەكٸتٸلگەن كٷنٸ KAZ Minerals اقتوعايدا قۇنى 1,8 ميلليارد دوللار بولاتىن مىس بالقىتۋ زاۋىتىنىڭ قۇرىلىسىن باستادى. ساراپشى ايبار ولجاەۆ وسى ەكٸ وقيعا قاتار كەلۋٸنە نازار اۋدارىپ, مەملەكەتتٸك قولداۋ تەتٸكتەرٸ مەن كومپانييانىڭ ينۆەستيتسييالىق شەشٸمٸ ٶزگەرۋٸنە قاتىستى سۇراقتار كٶتەردٸ, دەپ حابارلايدى dalanews.kz.
20 قازاندا ٶنەركەسٸپ جەنە قۇرىلىس مينيسترلٸگٸ مىس كونتسەنتراتىن ٶڭدەۋ تاريفٸن انىقتاۋدىڭ جاڭا ەدٸستەمەسٸن بەكٸتكەنٸن حابارلادى. سول كٷنٸ پرەزيدەنت قاسىم-جومارت توقاەۆ اقتوعايداعى مىس بالقىتۋ زاۋىتى قۇرىلىسىن رەسمي تٷردە باستادى.
ساراپشى نازار اۋدارعان تۇس - جاڭا ەدٸستەمە ٶڭدەۋ تاريفٸن ەسەپتەگەندە ينۆەستيتسييالىق شىعىنداردى دا ەسكەرۋگە مٷمكٸندٸك بەرەدٸ. ياعني قولدانىستاعى زاۋىتتاردى جاڭعىرتۋعا جەنە جاڭا ٶندٸرٸس ورىندارىن سالۋعا جۇمسالعان قارجى تاريف قالىپتاستىرۋ كەزٸندە ەسەپكە الىنۋى مٷمكٸن.
"بۇعان دەيٸن ٶز مىس بالقىتۋ زاۋىتىن سالۋدى ەكونوميكالىق تۇرعىدان تيٸمسٸز دەپ ساناعان كومپانييا ەندٸ قۇنى 1,8 ميلليارد دوللار بولاتىن جوبانى جٷزەگە اسىرۋعا كٸرٸستٸ. بۇل جاي عانا سەيكەستٸك پە, ەلدە ينۆەستيتسييالىق ەسەپكە جاڭا ەكونوميكالىق جاعدايلار ەسەر ەتتٸ مە دەگەن ساۋال تۋىندايدى", - دەدٸ ول.
جاڭا زاۋىت جىلىنا 300 مىڭ توننا كاتود مىس ٶندٸرۋگە ەسەپتەلگەن. العاشقى ٶنٸمدٸ 2030 جىلى شىعارۋ جوسپارلانىپ وتىر.
ايبار ولجاەۆتىڭ تالداۋىنشا, جوباعا مەملەكەتتٸك قولداۋدىڭ بٸرنەشە تەتٸگٸ قاتار تارتىلىپ جاتىر. زاۋىت قازاقستاننىڭ 17 ٸرٸ سەرپٸندٸ جوباسىنىڭ تٸزٸمٸنە جەنە رەسپۋبليكالىق يندۋسترييالاندىرۋ كارتاسىنا ەنگٸزٸلگەن. سونىمەن قاتار, قازاقستاننىڭ دامۋ بانكٸ ارقىلى ۇزاق مەرزٸمدٸ قارجىلاندىرۋ مٷمكٸندٸگٸ دە قاراستىرىلىپ جاتىر. الايدا نەسيە ماقۇلدانعانى تۋرالى رەسمي اقپارات ەزٸرگە جارييالانباعان.
ساراپشى ەرەكشە نازار اۋدارعان تاعى بٸر جايت - جاڭا تاريف ەدٸستەمەسٸنٸڭ دەل قۇرىلىس باستالار الدىندا بەكٸتٸلۋٸ. ونىڭ پٸكٸرٸنشە, ينۆەستيتسييالىق شىعىنداردى ٶڭدەۋ تاريفٸندە ەسكەرۋگە مٷمكٸندٸك بەرەتٸن تەتٸك جاڭا ٶندٸرٸس ورىندارىن سالۋدىڭ ەكونوميكالىق تارتىمدىلىعىن ارتتىرۋى مٷمكٸن.
"مەملەكەت جوبانى ستراتەگييالىق دەڭگەيدە سٷيەمەلدەپ, قازاقستاننىڭ دامۋ بانكٸ ارقىلى قارجىلاندىرۋ مٷمكٸندٸگٸ قاراستىرىلىپ, ينۆەستيتسييالىق قۇرامداسى بار تاريف قالىپتاستىرۋدىڭ جاڭا ەرەجەلەرٸ بەكٸتٸلدٸ. وسىدان كەيٸن KAZ Minerals ٶزٸنٸڭ مىس بالقىتۋ زاۋىتىن سالۋعا دايىن ەكەنٸن قايتا مەلٸمدەدٸ", - دەپ جازدى ساراپشى.
ونىڭ پايىمداۋىنشا, كومپانييانىڭ ينۆەستيتسييالىق جوسپارلارىنىڭ ٶزگەرۋ تاريحى دا نازار اۋدارۋعا تۇرارلىق. 2015 جىلى KAZ Minerals ديرەكتورلار كەڭەسٸنٸڭ تٶراعاسى ولەگ نوۆاچۋك قازاقستاندا مىس كونتسەنتراتىن ٶز كٷشٸمەن ٶڭدەۋ قاجەتتٸگٸن ايتقان. الايدا 2017 جىلى كومپانييا زاۋىت سالۋ جوسپارىنان باس تارتىپ, جوبانى زەرتتەۋگە جۇمسالعان 16 ميلليون دوللار شىعىندى ەسەپتەن شىعارعان.
2018 جىلى نوۆاچۋك جوبانىڭ ەكونوميكالىق تۇرعىدان تيٸمسٸز ەكەنٸن تٷسٸندٸرگەن. كومپانييا ٶز زاۋىتىنىڭ ورنىنا قىتايداعى بوس مىس بالقىتۋ قۋاتتارىن پايدالانۋدى تاڭداعان. سول كەزەڭدە KAZ Minerals اقتوعاي كەن بايىتۋ كەشەنٸن كەڭەيتۋگە 1,2 ميلليارد دوللار ينۆەستيتسييا سالعان.
2024 جىلعى ماۋسىمدا كومپانييا مىس بالقىتۋ زاۋىتىن سالۋ جوسپارىن قايتا جارييالادى. ول كەزدە جوبا قۇنى 1,5 ميلليارد دوللار دەپ باعالانىپ, ٶندٸرٸستٸ 2028 جىلدىڭ سوڭىنا دەيٸن ٸسكە قوسۋ جوسپارلانعان ەدٸ. كەيٸنگٸ ەكولوگييالىق قۇجاتتاردا قۇرىلىس مەرزٸمٸ 2029 جىلعى ناۋرىزعا دەيٸن ۇزارتىلعانى كٶرسەتٸلگەن.
ال 2026 جىلعى قازاندا جوبا قۇنى 1,8 ميلليارد دوللارعا جەتٸپ, العاشقى ٶنٸمدٸ شىعارۋ مەرزٸمٸ 2030 جىلعا بەلگٸلەندٸ. وسىلايشا, ەكٸ جىلدا مەلٸمدەلگەن ينۆەستيتسييا كٶلەمٸ 20 پايىزعا ٶسكەن, ال ٸسكە قوسۋ مەرزٸمٸ تاعى كەيٸنگە شەگەرٸلگەن.
قۇرىلىس باستالعان كەزدەگٸ تەلەكٶپٸردە ولەگ نوۆاچۋك زاۋىت سالۋدى ستراتەگييالىق ينۆەستيتسييالىق شەشٸم دەپ اتاعان.
"KAZ Minerals ٷشٸن مەتاللۋرگييالىق كەشەن سالۋ - ستراتەگييالىق ينۆەستيتسييالىق شەشٸم ەرٸ قازاقستان ەكونوميكاسىنا ۇزاق مەرزٸمدٸ سالىنعان قارجى", - دەگەن ول.
جاڭا ەدٸستەمە قازاقستان ٸشٸندە مىس كونتسەنتراتىن ٶڭدەۋدٸڭ ينۆەستيتسييالىق تارتىمدىلىعىن ارتتىرۋعا باعىتتالعان. ال KAZ Minerals-تىڭ 1,8 ميلليارد دوللارلىق جوباسى وسىنداي جاڭا جاعدايلاردا جٷزەگە اسىرىلاتىن ٸرٸ ٶندٸرٸستٸك باستامالاردىڭ بٸرٸ بولماق.
