ماڭعىستاۋ وبلىسىندا ەسكەري قىزمەتشٸلەردٸڭ قازا بولۋىنا بايلانىستى وقيعا قوعامدا ٷلكەن رەزونانس تۋعىزدى. قايعىلى جاعدايدان كەيٸن ەلەۋمەتتٸك جەلٸلەر مەن اقپاراتتىق كەڭٸستٸكتە تٷرلٸ بولجامدار, راستالماعان مەلٸمەتتەر مەن ارانداتۋشىلىق سيپاتتاعى ماتەريالدار تاراي باستادى. ساياساتتانۋشى دانييار ەشٸمباەۆتىڭ پٸكٸرٸنشە, مۇنداي جاعدايدا بيلٸكتٸڭ جەدەل ەرٸ ٷيلەسٸمدٸ ەرەكەت ەتۋٸ ماڭىزدى بولدى, دەپ حابارلايدى dalanews.kz.
ساراپشىنىڭ ايتۋىنشا, مەملەكەت وقيعاعا قاتىستى بٸرنەشە باعىتتا قاتار جۇمىس جٷرگٸزدٸ. اتاپ ايتقاندا, اقپاراتتىق تٷسٸندٸرۋ جۇمىستارى ۇيىمداستىرىلىپ, تەرگەۋ باستالدى جەنە ەلەۋمەتتٸك-ساياسي سيپاتتاعى شارالار قولعا الىندى.
«العاشقى ەموتسييالىق تولقىننان كەيٸن اقپاراتتىق جۇمىستىڭ ناقتى الگوريتمٸ قالىپتاستى. جالعان اقپاراتتى انىقتاۋ مەن جوققا شىعارۋ, جاعدايدى تۇراقتى باقىلاۋ جەنە قوعامعا رەسمي مەلٸمەت بەرۋ تەتٸكتەرٸ ٸسكە قوسىلدى», – دەيدٸ ەشٸمباەۆ.
ونىڭ پٸكٸرٸنشە, زارداپ شەككەن وتباسىلارعا كٶمەك كٶرسەتۋ جۇمىستارى دا جٷيەلٸ ۇيىمداستىرىلعان. قايىرىمدىلىق پەن قولداۋ شارالارى ارتىق جارييالىلىقسىز جٷرگٸزٸلگەن.
ساياساتتانۋشى مەملەكەت باسشىسى قاسىم-جومارت توقاەۆتىڭ ۇستانىمىنا دا توقتالدى. ونىڭ ايتۋىنشا, پرەزيدەنت تەك كٶڭٸل ايتىپ, كٸنەلٸلەردٸ جازالاۋدى تالاپ ەتۋمەن شەكتەلمەي, مەملەكەتتٸڭ جاۋاپكەرشٸلٸگٸن ناقتى اتاپ كٶرسەتٸپ, قورعانىس سالاسىن رەفورمالاۋ قاجەتتٸگٸن كٶتەردٸ.
«پرەزيدەنت مەسەلەنٸڭ سەبەپتەرٸنە نازار اۋدارىپ, مۇنداي جاعدايلاردىڭ قايتالانباۋى ٷشٸن قانداي قادامدار قاجەت ەكەنٸن كٶرسەتتٸ. سونىمەن بٸرگە ارمييانى جاڭعىرتۋعا باعىتتالعان ناقتى رەفورمالار ەزٸرلەنەتٸنٸن مەلٸمدەدٸ», – دەدٸ ساراپشى.
ەشٸمباەۆ قوعامنىڭ دا بۇل ۇستانىمدى تٷسٸنٸستٸكپەن قابىلداعانىن ايتادى. ونىڭ سٶزٸنشە, ازاماتتار بيلٸكتٸڭ تەك وقيعانىڭ سالدارىن جويۋمەن ەمەس, جٷيەلٸ قورىتىندى جاساپ, تٷيتكٸلدەردٸڭ تٷپكٸ سەبەپتەرٸن شەشۋگە نيەتتٸ ەكەنٸن كٶردٸ.
ساراپشىنىڭ پٸكٸرٸنشە, قازٸرگٸ جاعدايدا قوعام ٷشٸن ەڭ ماڭىزدىسى – ەدٸل تەرگەۋ جٷرگٸزٸلٸپ, جاۋاپتى تۇلعالاردىڭ ەرەكەتٸنە باعا بەرٸلۋٸمەن قاتار, ەسكەري قىزمەتتٸڭ قاۋٸپسٸزدٸگٸن ارتتىرۋعا باعىتتالعان ناقتى ٶزگەرٸستەردٸڭ جٷزەگە اسۋى.
