قازاقستان جىلىنا 100 ميلليون تونناعا جۋىق مۇناي ٶندٸرسە دە, الداعى بٸرنەشە جىلدا بەنزين تاپشىلىعىنا تاپ بولۋى مٷمكٸن. مۇناي-گاز سالاسىنىڭ ساراپشىسى اسقار يسمايلوۆ وسىنداي بولجام جاسادى, دەپ حابارلايدى dalanews.kz Finratings.kz-كە سٸلتەپ.
ساراپشىنىڭ ايتۋىنشا, 2030 جىلعا قاراي وتاندىق مۇناي ٶڭدەۋ زاۋىتتارىنا شيكٸزات جەتپەي قالۋى ىقتيمال. مۇنداي جاعدايدا بەنزين قىمباتتاتۋى دا مەسەلەنٸ شەشپەيدٸ.
"بەنزين باعاسىن 1000 تەڭگەگە دەيٸن كٶتەرۋگە بولادى. بٸراق ٶڭدەيتٸن مۇنايدىڭ ٶزٸ بولمايدى", - دەدٸ ول TENGE TALKS YouTube ارناسىنداعى سۇحباتىندا.
يسمايلوۆ مۇنىڭ سەبەبٸن ەسكٸ كەن ورىندارىنداعى ٶندٸرٸس ازايۋىمەن جەنە مۇناي كومپانييالارى شىعىنى كٶبەيۋٸمەن بايلانىستى دەپ تٷسٸندٸردٸ. ونىڭ سٶزٸنشە, ٸشكٸ نارىقتاعى مۇناي باعاسى ەكسپورتتىق باعادان ەلدەقايدا تٶمەن. سوندىقتان كەيبٸر كومپانييالارعا مۇناي ٶندٸرۋ تيٸمسٸز بولۋى مٷمكٸن.
ساراپشى قازاقستاندا ٶندٸرٸلەتٸن مۇنايدىڭ باسىم بٶلٸگٸ شەتەلگە ساتىلاتىنىن ەسكە سالدى. تەڭٸز, قاشاعان جەنە قاراشىعاناق سيياقتى ٸرٸ جوبالار نەگٸزٸنەن ەكسپورتقا جۇمىس ٸستەيدٸ. ال وتاندىق زاۋىتتار ۇزاق جىلدان بەرٸ يگەرٸلٸپ كەلە جاتقان باسقا كەن ورىندارىنىڭ مۇنايىنا تەۋەلدٸ.
"2030 جىلعا قاراي قازاقستاندا ٶڭدەۋگە ارنالعان مۇناي قاتتى جەتٸسپەيدٸ. مۇناي ٶڭدەۋ زاۋىتتارىنىڭ قۋاتىنىڭ جارتىسى پايدالانىلماي قالۋى مٷمكٸن", – دەدٸ يسمايلوۆ.
ول بەنزيننٸڭ بٸر ليترٸ بولاشاقتا بٸر دوللارعا دەيٸن قىمباتتاۋى مٷمكٸن ەكەنٸن دە جوققا شىعارمادى. دەگەنمەن بۇل - ناقتى بەكٸتٸلگەن باعا ەمەس, ساراپشىنىڭ بولجامى. يسمايلوۆتىڭ پٸكٸرٸنشە, قازاقستانعا تٶرتٸنشٸ مۇناي ٶڭدەۋ زاۋىتى قاجەت. بٸراق جاڭا كەسٸپورىن تەڭٸز بەن قاشاعان مۇنايىن ٶڭدەۋگە بەيٸمدەلۋگە تيٸس. ەيتپەسە جاڭا زاۋىت سالىنعان كٷننٸڭ ٶزٸندە شيكٸزات تاپشىلىعى شەشٸلمەۋٸ مٷمكٸن.
ەنەرگەتيكا مينيسترلٸگٸ 2033 جىلعا قاراي ەلدەگٸ مۇناي ٶڭدەۋ قۋاتىن جىلىنا 18,4 ميلليون توننادان 40 ميلليون تونناعا دەيٸن ارتتىرۋدى جوسپارلاپ وتىر. يسمايلوۆ بۇل جوسپاردى جٷزەگە اسىرۋ ٷشٸن الدىمەن زاۋىتتاردى جەتكٸلٸكتٸ مۇنايمەن قامتاماسىز ەتۋ مەسەلەسٸن شەشۋ قاجەت دەپ سانايدى. ەيتپەسە 2030 جىلعا قاراي قازاقستاندا بەنزين مەن ديزەل وتىنى قىمباتتاپ قانا قويماي, تاپشىلىق تا تۋىنداۋى مٷمكٸن.
