Astanadaǵy KazTAG agenttiginiń keńsesinde jáne bas redaktorynyń páterinde tintý júrgizildi, dep habarlaıdy Dalanews.kz.
29 jeltoqsan kúni keshke polıseıler KazTAG agenttiginiń elordadaǵy keńsesine tintý júrgizý úshin kelgen. Astanadaǵy Máńgilik El dańǵyly boıyndaǵy Jýrnalıser úıinde ornalasqan ǵımaratqa agenttiktiń bas redaktory Ámir Qasenov pen onyń advokattary da kelgen.
Eske salaıyq, buǵan deıin KazTAG aqparat agenttiginiń bas redaktory Ámir Qasenov úıqamaqqa aýystyrylǵan bolatyn. Bul týraly advokat Dáýlet Jumaǵulov málimdedi.
23 jeltoqsanda Ámir Qasenov Astananyń Esil aýdandyq polısıa basqarmasyna tergeý áreketterine shaqyrylǵan. Keıin onyń advokattary bas redaktordyń ustalǵanyn rastaǵan.
Qysqa ýaqyt ishinde eki iri aqparat quraly – KazTAG halyqaralyq aqparat agenttigi men Orda.kz – Qylmystyq kodekstiń 274-baby "kórineý jalǵan aqparat taratý" boıynsha qozǵalǵan isterdiń fıgýranttary boldy.
