استاناداعى KazTAG اگەنتتىگىنىڭ كەڭسەسىندە جانە باس رەداكتورىنىڭ پاتەرىندە ءتىنتۋ جۇرگىزىلدى، دەپ حابارلايدى Dalanews.kz.
29 جەلتوقسان كۇنى كەشكە پوليسەيلەر KazTAG اگەنتتىگىنىڭ ەلورداداعى كەڭسەسىنە ءتىنتۋ جۇرگىزۋ ءۇشىن كەلگەن. استاناداعى ماڭگىلىك ەل داڭعىلى بويىنداعى جۋرناليستەر ۇيىندە ورنالاسقان عيماراتقا اگەنتتىكتىڭ باس رەداكتورى ءامىر قاسەنوۆ پەن ونىڭ ادۆوكاتتارى دا كەلگەن.
ەسكە سالايىق، بۇعان دەيىن KazTAG اقپارات اگەنتتىگىنىڭ باس رەداكتورى ءامىر قاسەنوۆ ءۇيقاماققا اۋىستىرىلعان بولاتىن. بۇل تۋرالى ادۆوكات داۋلەت جۇماعۇلوۆ مالىمدەدى.
23 جەلتوقساندا ءامىر قاسەنوۆ استانانىڭ ەسىل اۋداندىق پوليسيا باسقارماسىنا تەرگەۋ ارەكەتتەرىنە شاقىرىلعان. كەيىن ونىڭ ادۆوكاتتارى باس رەداكتوردىڭ ۇستالعانىن راستاعان.
قىسقا ۋاقىت ىشىندە ەكى ءىرى اقپارات قۇرالى – KazTAG حالىقارالىق اقپارات اگەنتتىگى مەن Orda.kz – قىلمىستىق كودەكستىڭ 274-بابى "كورىنەۋ جالعان اقپارات تاراتۋ" بويىنشا قوزعالعان ىستەردىڭ فيگۋرانتتارى بولدى.
