Keibir derekkózderdiń málimetinshe, Taldyqorǵannyń burynǵy ákimi Dastan Shaltabaevtyń uly - Turarbek Turlyhan Almatyda birneshe ret jasalǵan alaiaqtyq faktileri boiynsha ustalǵan, dep habarlaidy Dalanews.kz.
Egov.press telegram arnasynyń málimetinshe, buǵan deiin ol úsh epizodqa qaramastan qamaýǵa alynbai, úiqamaqqa jiberilgen.
Jelide taraǵan beinejazbada kúdikti azamat óz áreketin tolyq moiyndaitynyn jetkizedi. Videoda belgisiz adamdar onyń jeke deregin naqtylap, aqshany qandai maqsatpen alǵanyn suraidy. Kúdikti birneshe ret aqsha alǵanyn jáne olardy qaryz retinde emes, ýáde berilgen qyzmet úshin alǵanyn rastaǵan.
Beinejazbadaǵy dialogta ol birneshe úlgidegi iPhone qurylǵysyn áperemin dep ýáde berip, aqsha alǵanyn, sondai-aq “salyq máselesi boiynsha kómektesemin” dep 5 million teńge iemdengenin aitqan. Sonymen qatar aqshany jeke óz qolyna alǵanyn da moiyndaidy.
Qazirgi ýaqytta bul aqparatqa qatysty resmi málimdeme taratylǵan joq. Oqiǵaǵa bailanysty tergeý organdaryna resmi saýal joldadyq.
