Astana áýejaiyndaǵy meteojaǵdai kúrdeli. Muzdy jańbyrdyń saldarynan birqatar reis keshigip, keibiri toqtatyldy, dep habarlaidy Dalanews.kz.
«Áýejai aýmaǵynda muzdy jańbyr jaýyp jatyr. Áýejai men barlyq qyzmetter kúsheitilgen rejimde jumys istep, ushý qaýipsizdigin qamtamasyz etý úshin barlyq qajetti sharalardy qabyldaýda», – dep habarlady Nursultan Nazarbaev halyqaralyq áýejaiynyń baspasóz qyzmeti.
Áýejai málimetinshe, kelý baǵyty boiynsha 11 reis keshigip, bir reis toqtatylǵan. Ushyp shyǵý baǵytynda tórt reis keiinge shegerilgen. Kestedegi ózgeristerdiń negizgi sebebi – aýa raiyna bailanysty áýe kemeleriniń kesh kelýi.
«Jolaýshylardan onlain-tablony, áýekompaniialardyń habarlamalaryn jáne terminaldaǵy aqparatty baqylap otyrýdy suraimyz. Túsinistik tanytqandaryńyz úshin alǵys aitamyz», – dep málimdedi áýejai ókilderi.
