Almatyda taýda joǵalyp, keiin denesi tabylǵan úsh jigit jer qoinyna tapsyryldy, dep habarlaidy Dalanews.kz "KTK" telearnasyna siltep.
Qutqarýshylar aldymen 20 jastaǵy jigittiń denesin "Lokomotiv" shyńynan túsirgen. Araǵa bir táýlik salyp, taǵy ekeýiniń máiiti 4 myń metr biikten tabyldy. Marqumdar taý shyńyn baǵyndyrýǵa ketip, kóshkinniń astynda qalyp qoiǵan.
"Izdestirý kezinde "Lokomotiv" shyńynda kóshkin júrgeni anyqtaldy. Úsh jigittiń máiiti dál sol teńiz deńgeiinen 4 myń metr biiktegi shyńnan tabyldy. Izdeý kezinde aýa raiy men uiytqyǵan jel jumysymyzǵa qatty kedergi keltirdi. Qar qalyńdyǵy tizeden asady. Marqumdardy tómenge túsirýdiń ózine alty saǵattan asa ýaqyt ketti", - dedi Almaty qalasy TJD Tótenshe jaǵdailardy joiý basqarmasynyń basshysy Denis Iartsev.
17, 19 jáne 20 jastaǵy úsh jigit ótken sársenbide taýǵa attanǵan. Olar Ile Alataýynyń "Myńjylqy" shatqaly men "Lokomotiv" shyńyna jetkende bailanys úzilipti. Úsheýi de burynnan taýǵa saiahattap, shyńǵa shyǵýdy unatqan.
"Úsh jyl tájiribesi bar", - deidi jaqyndary.
