Qazaqstannyń Qarjy vitse-ministri Erjan Birjanov infliatsiia deńgeii 12 paiyzdan asqan jaǵdaida bazalyq zeinetaqy men áleýmettik járdemaqylar 10 paiyzǵa indeksatsiialanǵanyn málimdedi, dep habarlaidy Dalanews.kz.
Onyń aitýynsha, 2026 jylǵa áleýmettik salaǵa 10,5 trln teńge qarastyrylǵan.
Vitse-ministrdiń sózinshe, memlekettik qoldaý shyn máninde kómekke muqtaj azamattarǵa ǵana baǵyttalýy tiis. Ol tsifrlandyrýdyń arqasynda túrli zańbuzýshylyqtar anyqtalyp jatqanyn atap ótti. Atap aitqanda, jalǵan mámileler jasaý nemese jasandy túrde ajyrasý sekildi jaǵdailar tirkelip otyr.
«Osyndai faktiler anyqtalǵan jaǵdaida, negizsiz tólem alatyn azamattarǵa beriletin áleýmettik tólemder qysqartylady», – dedi Birjanov.
Qarjy ministrligi ókiliniń aitýynsha, bul sharalar áleýmettik qoldaýdyń tiimdiligin arttyryp, biýdjet qarajatyn maqsatty paidalanýǵa múmkindik beredi.
