Almaty qalasynyń ákimdigi Medeý aýdanynda memlekettik qajettilik úshin jer telimderin májbúrli túrde alyp qoiýdy bastaý týraly qaýlyny bekitti, dep habarlaidy Dalanews.kz.
Ákimdik málimetinshe, áńgime Medeý aýdanynda ornalasqan 21 jer telimi týraly bolyp otyr. Atap aitqanda, olar myna mekenjailarda ornalasqan:
- Júrgenov kóshesi, 42;
- Latif Hamidi kóshesi, 17/40, 19 jáne 21/37.
Bul aýmaqta qys mezgilinde qardy joiýǵa arnalǵan qar eritý pýnktin salý josparlanǵan.
Qaýlyǵa 25 jeltoqsanda qol qoiylǵan. Al jer telimderin alyp qoiý rásimi 2027 jyldyń 31 jeltoqsanyna deiin aiaqtalýy tiis. Osy merzim ishinde menshik ielerimen zańda kózdelgen barlyq sharalar júrgiziledi, onyń ishinde ótemaqy tóleý de qarastyrylǵan.
Almatyda memlekettik qajettilik úshin jer satyp alý jumystaryn Qala jer ortalyǵy basqarmasy júzege asyrady.
