Alataý aýdany sanitarlyq tazalap, jasyl aýmaqtardy kútip ustaýǵa kóńil bólip, qoǵamdyq keńistikti abattandyryp jatyr. Aýdanda 730 kóshe bar. «Taza Qazaqstan» ekologiialyq aktsiiasy aiasynda shaǵyn aýdandardy tazalaý, aǵashtardy qyrqý, balalar alańyn syrlaý men qoǵamdyq aýmaqtardy qalpyna keltirý jumysy kúsheitildi. Óńirlik kommýnikatsiialar qyzmetinde aýdan ákimi qalalyq ortany kútip ustaý boiynsha atqarylyp jatqan jumys pen alǵa qoiǵan mindet týraly aitty, dep habarlaidy dalanews.kz.
Aýdannyń sanitarlyq jaǵdaiyn qamtamasyz etýge 111 arnaýly tehnika men 260 jumysshy jumyldyrylǵan. Kúndelikti tazalyq jumysyna 730 kóshe, 300 shaqyrym aryq jelisi, 60 shaqyrym ózen arnas men 54 shaqyrym gabiondyq kanaldar qamtylǵan.
Qaldyqtardy jinaý júiesin jetildirý jumysy da jalǵasty. 2025 jyly eski úlgidegi 255 konteiner plastikalyq konteinerlerge aýystyrylyp, Ekologiia jáne qorshaǵan ortany qorǵaý basqarmasy qosymsha 73 jerasty konteinerin ornatty.
Aýdan ákimi aýmaqty kógaldandyrý jumystary týraly da aitty.
«Alataý aýdanynda 145 jasyl aýmaq bar, onyń ishinde 25 saiabaq pen jaiaý júrginshiler aimaǵy, 119 balalar jáne sport alańy jáne bir býlvar ornalasqan. Olardy kútip ustaýmen 11 kompaniia men 260 jumysshy ainalysady», – dedi Daniiar Qyryqbaev.
Biyl 17 myń aǵashty qyrqyp, 38 myń sharshy metr jerge kógal tóseledi.
Jasyl jelekti kútip ustaý úshin aýdanda mehanikalyq jáne avtomatty sýarý júieleri uiymdastyrylǵan. Mehanikalyq sýarý jalpy aýmaǵy 96,3 gektar bolatyn 85 aýmaqta júrgiziledi. Bul jumysqa 29 tehnika jumyldyrylǵan. Avtomatty sýarý júieleri jalpy aýmaǵy 25 gektar bolatyn 18 aýmaqta jumys isteidi.
Biyl avtomatty sýarý júiesin odan ári damytý maqsatynda qosymsha 28,2 shaqyrymdyq jeli tartyla bastady.
