الاتاۋ اۋدانى سانيتارلىق تازالاپ, جاسىل اۋماقتاردى كٷتٸپ ۇستاۋعا كٶڭٸل بٶلٸپ, قوعامدىق كەڭٸستٸكتٸ اباتتاندىرىپ جاتىر. اۋداندا 730 كٶشە بار. «تازا قازاقستان» ەكولوگييالىق اكتسيياسى اياسىندا شاعىن اۋدانداردى تازالاۋ, اعاشتاردى قىرقۋ, بالالار الاڭىن سىرلاۋ مەن قوعامدىق اۋماقتاردى قالپىنا كەلتٸرۋ جۇمىسى كٷشەيتٸلدٸ. ٶڭٸرلٸك كوممۋنيكاتسييالار قىزمەتٸندە اۋدان ەكٸمٸ قالالىق ورتانى كٷتٸپ ۇستاۋ بويىنشا اتقارىلىپ جاتقان جۇمىس پەن العا قويعان مٸندەت تۋرالى ايتتى, دەپ حابارلايدى dalanews.kz.
اۋداننىڭ سانيتارلىق جاعدايىن قامتاماسىز ەتۋگە 111 ارناۋلى تەحنيكا مەن 260 جۇمىسشى جۇمىلدىرىلعان. كٷندەلٸكتٸ تازالىق جۇمىسىنا 730 كٶشە, 300 شاقىرىم ارىق جەلٸسٸ, 60 شاقىرىم ٶزەن ارناس مەن 54 شاقىرىم گابيوندىق كانالدار قامتىلعان.
قالدىقتاردى جيناۋ جٷيەسٸن جەتٸلدٸرۋ جۇمىسى دا جالعاستى. 2025 جىلى ەسكٸ ٷلگٸدەگٸ 255 كونتەينەر پلاستيكالىق كونتەينەرلەرگە اۋىستىرىلىپ, ەكولوگييا جەنە قورشاعان ورتانى قورعاۋ باسقارماسى قوسىمشا 73 جەراستى كونتەينەرٸن ورناتتى.
اۋدان ەكٸمٸ اۋماقتى كٶگالداندىرۋ جۇمىستارى تۋرالى دا ايتتى.
«الاتاۋ اۋدانىندا 145 جاسىل اۋماق بار, ونىڭ ٸشٸندە 25 ساياباق پەن جاياۋ جٷرگٸنشٸلەر ايماعى, 119 بالالار جەنە سپورت الاڭى جەنە بٸر بۋلۆار ورنالاسقان. ولاردى كٷتٸپ ۇستاۋمەن 11 كومپانييا مەن 260 جۇمىسشى اينالىسادى», – دەدٸ دانييار قىرىقباەۆ.
بيىل 17 مىڭ اعاشتى قىرقىپ, 38 مىڭ شارشى مەتر جەرگە كٶگال تٶسەلەدٸ.
جاسىل جەلەكتٸ كٷتٸپ ۇستاۋ ٷشٸن اۋداندا مەحانيكالىق جەنە اۆتوماتتى سۋارۋ جٷيەلەرٸ ۇيىمداستىرىلعان. مەحانيكالىق سۋارۋ جالپى اۋماعى 96,3 گەكتار بولاتىن 85 اۋماقتا جٷرگٸزٸلەدٸ. بۇل جۇمىسقا 29 تەحنيكا جۇمىلدىرىلعان. اۆتوماتتى سۋارۋ جٷيەلەرٸ جالپى اۋماعى 25 گەكتار بولاتىن 18 اۋماقتا جۇمىس ٸستەيدٸ.
بيىل اۆتوماتتى سۋارۋ جٷيەسٸن ودان ەرٸ دامىتۋ ماقساتىندا قوسىمشا 28,2 شاقىرىمدىق جەلٸ تارتىلا باستادى.
