Sátbaev ýniversitetinde Almaty qalasynyń №7 qalalyq klinikalyq aýrýhanasy men ýniversitet ókilderiniń kezdesýi ótti, dep habarlaidy dalanews.kz.
Kezdesýde meditsina jáne bioinjeneriia salasyndaǵy birlesken jobalar, meditsinalyq tehnologiialardy damytý, tsifrlandyrý, kadr daiarlaý jáne ǵylymi zertteýler baǵytyndaǵy yntymaqtastyq múmkindikteri talqylandy. Aýrýhana ókilderi klinikanyń damý josparlary, meditsinalyq jabdyqtardy jańartý jáne jańa tehnologiialardy engizý baǵyttary týraly aqparat berdi.
Aýrýhananyń bas dárigeri, direktordyń mindetin atqarýshy Nurdos Qadyrbekov klinikanyń Qazaqstandaǵy iri kópsalaly meditsinalyq uiymdardyń biri ekenin jáne meditsinalyq oqý oryndary úshin klinikalyq baza qyzmetin atqaratynyn atap ótti.
Onyń aitýynsha, osyǵan bailanysty aýrýhana Sátbaev ýniversitetinde ázirlenip jatqan jańa tehnologiialardy meditsinalyq tájiribege engizýge qyzyǵýshylyq tanytyp otyr.
«Sizderdiń ýniversitette qol jetkizilgen nátijeler bizdi tańǵaldyrady. Sátbaev ýniversitetinde erekshe energiia seziledi, munda innovatsiialar damyp keledi. Men osy jetistiktermen jas áriptesterimdi tanystyrýdy jón kórdim. Biz ózara yntymaqtastyqtyń ortaq baǵyttaryn anyqtap, sizdermen birlesip jumys istegimiz keledi. Yntymaqtastyǵymyz eki tarap úshin de nátijeli bolady dep senemin», – dedi Nurdos Qadyrbekov.
Kezdesýde ýniversitettiń injenerlik jáne ǵylymi áleýetin densaýlyq saqtaý salasyndaǵy naqty mindetterdi sheshýge paidalaný máselesine erekshe nazar aýdaryldy.
Yntymaqtastyqtyń yqtimal baǵyttarynyń biri – aýrýhananyń ishki biznes-protsesterin tsifrlandyrý jáne avtomattandyrý. Sonymen qatar meditsinalyq buiymdar men qurylǵylardy ázirleý jumystaryn ýniversitettiń magistranttary men doktoranttarynyń praktikalyq oqý baǵdarlamalaryna engizý usynyldy. Bul stýdentterdiń injenerlik bilimin naqty meditsinalyq mindetterdi sheshý barysynda qoldanýyna múmkindik beredi.
Taraptar zamanaýi meditsinalyq jabdyqtarǵa qyzmet kórsetetin mamandardy daiarlaý máselesin de talqylady. Búginde joǵary tehnologiialyq meditsinalyq tehnikanyń edáýir bóligi shetelde óndiriletindikten, mundai jabdyqtardy paidalaný, baptaý jáne tehnikalyq súiemeldeý boiynsha bilikti mamandarǵa qajettilik artyp otyr. Osyǵan bailanysty taraptar qosymsha bilim berý baǵdarlamalaryn ázirleý jáne stýdentterdiń praktikalyq daiarlyǵyn kúsheitý múmkindikterin qarastyrýǵa kelisti.
Kezdesý qorytyndysy boiynsha Sátbaev ýniversiteti men №7 qalalyq klinikalyq aýrýhananyń meditsina, injeneriia jáne tsifrlyq tehnologiialar toǵysyndaǵy birlesken jobalardy damytý múmkindikterin odan ári qarastyrý týraly ortaq ustanym qalyptasty.
