23 qyrkúiekten 24 qyrkúiekke qaraǵan túni ál-Farabi atyndaǵy Qazaq ulttyq ýniversitetiniń Ó.A. Joldasbekov atyndaǵy Stýdentter saraiynda shatyrdyń eski konstrýktsiialaryn demontajdaý boiynsha josparly jumystar júrgizildi. Jumystar bekitilgen josparǵa sáikes jáne qaýipsizdik talaptaryn saqtai otyryp túngi ýaqytta oryndaldy, dep habarlaidy dalanews.kz.
Ýniversitet málimetinshe, bul paidalanylyp otyrǵan ǵimarat shatyrynyń ózdiginen qulaýy emes. Bul nysandy kezeń-kezeńimen jańartý týraly qabyldanǵan sheshim aiasyndaǵy demontaj jumystary. Oqiǵa saldarynan zardap shekkender joq.
Mundai aýqymdy jumystar ǵimarattyń tehnikalyq jaǵdaiyna bailanysty qolǵa alynǵan. Stýdentter saraiy 1985-1998 jyldar aralyǵynda salynyp, shamamen 30 jylǵa jýyq ýaqyt ishinde keshendi kúrdeli jóndeýden ótpegen.
2023 jyly akkredittelgen uiym ǵimarattyń tehnikalyq jaǵdaiyna saraptamalyq tekserý júrgizgen. Zertteý barysynda kótergish jáne qorshaý konstrýktsiialarynda birqatar eleýli aqaýlar anyqtalǵan.
Atap aitqanda, keibir temirbeton rigelderi men baǵandarynyń bolmaýy, túiisken jerlerdegi korroziia men konstrýktsiialardyń ishinara buzylýy, baǵandardyń deformatsiialanýy, rigelder men baǵandardyń túiisý toraptaryndaǵy aqaýlar, jekelegen temirbeton elementterdiń salbyraýy, qasbettiń jylý oqshaýlaǵysh qabatynyń buzylýy, sondai-aq shatyrdaǵy metall konstrýktsiialardyń korroziiaǵa ushyrap, jergilikti deformatsiialanýy tirkelgen.
Mamandardyń aitýynsha, anyqtalǵan kemshilikterdiń edáýir bóligi árleý jáne sándik elementterdiń astynda jasyryn bolǵan. Sondyqtan keibir konstrýktsiialardyń naqty jai-kúiin tek syrttai qarap anyqtaý múmkin bolmaǵan.
Bastapqyda ýniversitet ǵimarattyń negizgi kótergish konstrýktsiialaryn barynsha saqtai otyryp qaita jańǵyrtý nusqasyn qarastyrǵan. Alaida jumystar barysynda jáne keibir bólikter ashylǵan kezde qosymsha jasyryn aqaýlar anyqtalǵan.
Máselen, shatyrdyń sándik bóligin bólshekteý kezinde mamandar baǵandardyń túiisý oryndaryndaǵy deformatsiialardy, sonyń ishinde buralý belgilerin jáne ǵimarattyń ońtústik bóligindegi joǵarǵy konstrýktsiialardyń geometriialyq ózgeristerin tirkegen.
Sondai-aq jaýapty temirbeton elementteriniń birqatarynyń jaǵdaiyna qatysty qosymsha máseleler týyndaǵan. Olardy ashý barysynda qajetti armatýranyń joq jerleri men beton sapasynyń qanaǵattanarlyqsyz ekeni anyqtalǵan.
Ýniversitettiń málimetinshe, anyqtalǵan aqaýlar jekelegen emes, júieli sipatqa ie bolǵandyqtan, bastapqy qaita jańǵyrtý tujyrymdamasyn qaita qaraýǵa týra kelgen.
Almaty qalasynyń joǵary seismikalyq belsendiligi eskerile otyryp, qoldanystaǵy konstrýktsiialardy kezeń-kezeńimen bólshektep, olardyń ornyna jańa Stýdentter saraiyn salý týraly sheshim qabyldanǵan.
Sonymen qatar ýniversitet ǵimarattyń tarihi sáýlettik kelbetin saqtap qalýdy josparlap otyr. Jańa nysan Stýdentter saraiynyń kópshilikke tanys syrtqy beinesin saqtai otyryp, seismoturaqtylyq, konstrýktsiialyq senimdilik jáne qaýipsizdik talaptaryna tolyq sáikes bolady.
QazUÝ ókilderi qosymsha zertteýler men tehnikalyq sheshimderdiń ózgerýi jumystardyń bastapqy merzimi men kólemine áser etkenin atap ótti. Degenmen negizgi basymdyq stýdentterdiń, qyzmetkerler men kelýshilerdiń qaýipsizdigin qamtamasyz etý bolyp qala beredi.
QazUÝ jýrnalisterge tekserý materialdaryn usyndy
Búgin, 24 qyrkúiekte saǵat 11:00-de QazUÝ Stýdentter saraiyn qaita jańǵyrtý máselesine arnalǵan arnaiy aqparattyq kezdesý ótkizedi.
Qaýipsizdik talaptaryna bailanysty buqaralyq aqparat quraldary ókilderi qurylys jáne demontaj jumystary júrip jatqan aýmaqqa kirgizilmeidi.
Onyń ornyna ýniversitet tekserý jáne demontaj barysynda túsirilgen foto jáne beinematerialdardy usynady. Onda anyqtalǵan aqaýlar, zaqymdanýlar jáne mamandardyń nazaryn aýdarǵan konstrýktsiialyq sheshimder kórsetiledi.
Ýniversitet ókilderi men sala mamandary ǵimarattyń tehnikalyq jaǵdaiy, qaita jańǵyrtý tujyrymdamasynyń ózgerý sebepteri týraly túsindirme berip, jýrnalisterdiń suraqtaryna jaýap beredi.
QazUÝ qoǵamdy Stýdentter saraiynyń jaǵdaiy, júrgizilip jatqan jumystar jáne qabyldanatyn tehnikalyq sheshimder týraly ashyq túrde aqparattandyrýǵa daiyn ekenin málimdedi.
