– Biz ózimizdiń qurylǵalarmen qatar maily jylytqyshpen básekeles brendtiń qurylǵylaryn tekserý úshin testter júrgizdik. Úsh birdei 10 sharshy metr bólme bolmede úsh túrli qurylǵyny qoidyq, keide esikter men terezeler ashyldy. Bastapqyda bólmedegi temperatýra 17 gradýs boldy, 10 saǵat jumys istegennen keiin bizdiń jylytqysh bólmeni 26 gradýsqa, maily jylytqysh 27-ge, básekeles kompaniianyń qurylǵysy – 24-ke deiin qyzdyrdy. Biraq maily jylytqysh saǵatyna 2 kilovatt energiia jumsady, al bizdiń 600 Vatt, iaǵni jylytqyshtar shamamen 3,5 ese únemdi. Sonymen qatar, Batys elderiniń turǵyndary asa qatty baǵalaityn ádemi, estetikalyq dizainmen jasalǵan, – deidi Premium Heater JShS-niń kommertsiialyq direktory Saýran Ahmetjanov.
Saýran Ahmetjanov munyń barlyǵy qarapaiym qyzyǵýshylyqtan bastalǵanyn aitady. Kompaniianyń negizin qalaýshylardyń biri, osy júieni oilap tapqan himik ǵalym eksperimentter júrgizýdi, qospalardyń qasietterin zertteýdi unatatyn.
Kezdeisoq jaǵdaida zertteý barysynda ol óte úlken jylý bere alatyn qospany aldy. Osylaisha, synaq óndirisin qurý ideiasy paida boldy, quryltaishylar ony 2019 jyly Varshavada ashty.
Qazaqstandyq startaptyń infraqyzyl jylytý qurylǵylarynyń synaq partiiasy óte tez ýaqytta satyldy, alǵashqy kúnderi 200 danasy ótti. Sodan keiin qurylǵynyń kem-ketigi túgendeldi, tapsyrys berýshilerdiń qalaýy boiynsha jańadan kelgen kásipkerler dizaindy ózgertti, baǵaǵa áser etetin qosymsha fýnktsiialardy alyp tastady. Koronavirýs pandemiiasy órshigen tusta satylym da ósti.
Sodan keiin kásibin jańa bastaǵan óndirýshiler Qazaqstanǵa oralyp, Almatynyń ATP AEA aýmaǵynda óz óndirisin damytýǵa sheshim qabyldady. Sebebi bul jaqta jaldaýdyń tómen mólsherlemesi, salyq jeńildikteri jáne qajetti infraqurylymmen qamtamasyz etetini unady. Sondai-aq, ótken jyly pandemiia kezinde olar jaldaý aqysyn tóleýden bosatyldy, bul jas kompaniia úshin úlken qoldaý bolǵanyn aita keteiik.
Búgingi tańda made in KZ dep jazylatyn taýar partiiasy Polshaǵa jiberiledi. Bul taýarlarǵa Norvegiia men Ulybritaniiadan kelgen distribiýtorlar da qazaqstandyq ónimge úlken qyzyǵýshylyq tanytýda, tipti memorandýmǵa qol qoiyldy. Kipr men Ózbekstan tapsyrys bergen. Qazir Úndistanda qazaqstandyq tehnologiia boiynsha franshizany iske qosý múmkindigi talqylanyp jatyr.
– Ulybritaniiada elektr jylytý qurylǵylary naryǵynyń 70-80%-y otbasylyq kompaniialardyń esebinen ustalady, iaǵni, onda monopolist, iri brendter joq. Biz olarmen osy naryqtyń bir bóligi úshin kúrese alamyz dep oilaimyz. Ázirge bul oiymyz iske asyp jatyr, – deidi Saýran Ahmetjanov.
Eýropalyq tutynýshy úshin qazaqstandyq jylytý qurylǵysynyń quny 80 eýrony quraidy, bul sheteldik analogtardan áldeqaida arzan.
Aitpaqshy, kompaniianyń taýar belgisi Ulybritaniiada tirkelgen. Kompaniiada joǵary voltty jabdyqtardyń qaýipsizdigi týraly Eýropalyq sertifikattyń bolýy da mańyzdy ról atqarady. Búgingi tańda shtatta barlyǵy 4 maman jumys isteidi. Alaida kásipkerler taǵy da jabdyqtar satyp almaq. Infraqyzyl jylytý qurylǵalarynyń álemdik naryǵy áli de bos bolǵandyqtan, kásipkerler qyzmetker sanyn kóbeitýdi jáne óndiris kólemin ulǵaitýdy josparlap otyr.
