Almatyda Aqanaevtar áýletiniń kórmesi ashyldy
Almaty qalasy ákimi Baqytjan Saǵyntaev Instagram-daǵy óziniń akkaýntynda Almaty galereiasynda ashylǵan keskindeme sheberleri Aqanaevtar shyǵarmalary kórmesiniń bastalýy týraly aitty, – dep habarlaidy Dalanews.kz.
– Almaty Gallery-de keskindeme óneriniń has sheberi Amandos Aqanaev bastaǵan Aqanaevtar áýletiniń kórmesi ashyldy. Sýretshiler otbasyn aitýly kúnmen quttyqtap, sarqylmas shabyt pen shyǵarmashylyq uzaq ǵumyr tileimin! – dep jazdy B. Saǵyntaev.
Almaty galereiasynyń jetekshisi Nargiz Alibtiń aitýynsha, 1 shilde men 16 qyrkúiek aralyǵynda QR Eńbek sińirgen óner qairatkeri Amandos Aqanaevtyń, QR eńbek sińirgen mádeniet qairatkeri Nelli Býbeniń, tanymal keskindeme, grafika, músin jáne installiatsiia sheberleri Rýslan Aqanaevtyń, Botagóz Aqanaevanyń jáne Eskendir Aqanaevtyń qundy týyndylary kórme zalyna qoiylǵan. Budan ózge, sýretshiler áýletiniń tórtinshi býyny – Aqanaevtar nemereleriniń jumystary da kórsetilýde.
Galereia Ashyq jobasy boiynsha jumys isteidi, barǵan kezde sanitarlyq-epidemiologiialyq qaýipsizdik sharalaryn qatań saqtaý qajet.
