– Almaty Gallery-دە كەسكىندەمە ونەرىنىڭ حاس شەبەرى اماندوس اقانايەۆ باستاعان اقانايەۆتار اۋلەتىنىڭ كورمەسى اشىلدى. سۋرەتشىلەر وتباسىن ايتۋلى كۇنمەن قۇتتىقتاپ، سارقىلماس شابىت پەن شىعارماشىلىق ۇزاق عۇمىر تىلەيمىن! – دەپ جازدى ب. ساعىنتايەۆ.
الماتى گالەرەياسىنىڭ جەتەكشىسى نارگيز ءاليبتىڭ ايتۋىنشا، 1 شىلدە مەن 16 قىركۇيەك ارالىعىندا ق ر ەڭبەك سىڭىرگەن ونەر قايراتكەرى اماندوس اقانايەۆتىڭ، ق ر ەڭبەك سىڭىرگەن مادەنيەت قايراتكەرى نەللي بۋبەنىڭ، تانىمال كەسكىندەمە، گرافيكا، ءمۇسىن جانە ينستاللياسيا شەبەرلەرى رۋسلان اقانايەۆتىڭ، بوتاگوز اقانايەۆانىڭ جانە ەسكەندىر اقانايەۆتىڭ قۇندى تۋىندىلارى كورمە زالىنا قويىلعان. بۇدان وزگە، سۋرەتشىلەر اۋلەتىنىڭ ءتورتىنشى بۋىنى – اقانايەۆتار نەمەرەلەرىنىڭ جۇمىستارى دا كورسەتىلۋدە.
گالەرەيا Ashyq جوباسى بويىنشا جۇمىس ىستەيدى، بارعان كەزدە سانيتارلىق-ەپيدەميولوگيالىق قاۋىپسىزدىك شارالارىن قاتاڭ ساقتاۋ قاجەت.
