Baqytjan Saǵyntaev: «Almaty investitsiialyq tartymdylyǵy jaǵynan top bastap keledi»
Megapolistiń investitsiialyq tartymdylyǵyn atap ótken Baqytjan Saǵyntaev Búkilálemdik Banktiń sýbulttyq reitinginde Almatynyń biznesti júrgizý boiynsha Qazaqstannyń barlyq óńirleri arasynda birinshi orynda turǵanyn habarlady.
Aǵymdaǵy jyldyń alǵashqy 6 aiynyń qorytyndysy boiynsha Almatyda negizgi kapitalǵa salynǵan investitsiia kólemi 126,5%-ǵa ósti jáne 460,7 mlrd teńgeni qurady.
Sondai-aq, ótken jyldyń kúzinde Fitch agenttigi Almaty qalasynyń BBB deńgeiindegi nesielik reitingin bekitti jáne investitsiialar tartý máselelerinde operator bolyp tabylatyn «Almaty «ÁKK» AQ-na VVV deńgeiinde nesielik reiting berildi, bul investitsiialar úshin táýekeldiń tómen deńgeiin kórsetedi.
EQDB-nyń Qazaqstandaǵy basshysy Agris Preimanis Keńestiń erekshe ról atqaratynyn jáne birqatar ózekti máselelerdi, onyń ishinde sheteldik investorlardy salyqtyq jáne kedendik ákimgerleý, viza berý jáne kirýge ruqsat etý protsedýralaryn, tiisti infraqurylymdy qurý, jasyl ekonomika qaǵidattaryn engizý jáne tsifrlandyrý deńgeiin arttyrýǵa qatysty isterdi sheshýge múmkindik beretinin atap ótti.
Eske salsaq, jyl basynda investitsiialyq ahýaldy jaqsartý maqsatynda Almaty ákiminiń ókimimen Keńestiń qyzmeti qaita qolǵa jandandy jáne qatysýshylar quramy jańardy, oǵan sheteldik qaýymdastyqtardyń, saýda palatalary men qarjy uiymdarynyń ókilderi endi. Keńestiń basty mindeti investitsiialyq ahýal men investitsiialyq strategiiany jaqsartý boiynsha usynymdardy jáne usynystardy óńdeý, sheteldik investorlardyń ózekti máselelerin sheshý bolyp tabylady.
