Bıyl tamyz aıynda Almaty qalasynda mektep oqýshylary arasynda robototehnıka boıynsha First Global Challenge Central ASIA saıysy ótedi. Aımaqtyq jarystyń jeńimpazdary 26-29 qyrkúıekte Grekıanyń Afına qalasynda ótetin fınalǵa qatysady, dep habarlaıdy Dalanews.kz.
First Global Challenge - álemniń ártúrli elderinen kelgen jastar qatysatyn robototehnıka boıynsha halyqaralyq jarys. Jarystyń maqsaty - jastardy ǵylym, tehnologıa, ınjenerıa jáne matematıka (STEM) salalarynda bilim alýǵa yntalandyrý jáne jahandyq máselelerdi sheshý daǵdylaryn damytý. Bıylǵy jarystyń taqyryby - "Feeding the Future" jáne turaqty azyq-túlik óndirisine arnalǵan. Qatysýshylar halyqty taza, qaýipsiz jáne qorektik azyq-túlikpen qamtamasyz etýge qatysty kedergiler men múmkindikterdi zerttep, sheshimder usynýy tıis. Jarystyń uıymdastyrýshylary – USTEM FOUNDATION.
Astanadaǵy daryndy er balalarǵa arnalǵan BİLİM-INNOVASIA lıseıiniń oqýshylarynan turatyn Quattuor komandasy Central Asia FIRST Global Challenge 2024 baıqaýyna daıyndalýda. Komanda músheleri Erjan Baıbek, Qasymjan Ǵalıaskar, Ánýarbekuly İlıas Nıazbek, Muhamedjan jáne Isın Salahaddın azyq-túlik qaýipsizdigi máselelerin zerttep, ınovasıalyq sheshim jobasyn ázirledi. Quattuor komandasy Qazaq agrotehnıkalyq ýnıversıtetiniń agroekologıalyq synaq ortalyǵynda zerthanalyq jumystar júrgizip, agronomdarmen kásibı suhbattar ótkizdi. Bul zertteýler topyraq qunarsyzdanýy men erozıadan keıin qalpyna keltirý máselelerin zertteýge múmkindik berdi.
Qazaqstannyń keń dalalyq aımaqtary men aýyl sharýashylyq jerleri qunarsyzdaný jáne erozıaǵa ushyraýda. Bul jaǵdaılar jerdiń artyq paıdalanylýy, durys agrotehnıkalyq sharalardyń saqtalmaýy, klımattyq ózgerister jáne sý tapshylyǵy saldarynan týyndaıdy. Nátıjesinde jergilikti aýyl sharýashylyǵy ónimdiliginiń tómendeýi jáne ekologıalyq tepe-teńdiktiń buzylýy baıqalady. First Global Challenge-ge qatysý STEM-bilim berýdi damytýǵa yqpal etedi. Baıqaý oqýshylardy ǵylym men tehnıkaǵa qyzyqtyryp, ǵylymı bilim men tehnologıalyq saýattylyq deńgeıin arttyrýǵa kómektesedi.
