Vitse-premer Qanat Bozymbaev Batys Qazaqstan oblysynda sý tasqynynan zardap shekkenderge salynyp jatqan turǵyn úiler qurylysynyń qarqyny men sapasyn tekserdi, sondai-aq Qaratóbe, Syrym jáne Terekti aýdandarynyń turǵyndarymen kezdesti.
Qaratóbe aýdanynyń Qorjyn aýylynda «Aqjaĭyq» qory esebinen 2,8 mlrd teńgege 90 tiptik úi salynýda. Úilerdi tamyz aiynda tapsyrý josparlanyp otyr.
Syrym aýdanynyń eki aýylynda qurylys qarqyndy júrip jatyr.
Óleńti aýylynda «Qazaqstan halqyna» qory esebinen 1,1 mlrd teńgege 36 tiptik úi salynýda. Jumys mamyr aiynda bastalǵan, jaz sońyna aiaqtalady dep kútilýde. Sondai-aq qor Jympity aýylynda 1,3 mlrd teńgege 42 úidiń qurylysyn qarjylandyrady.
Ári qarai vitse-premer Terekti aýdany Podstepnoe aýylyndaǵy merdigerlerdiń jumysyn tekserdi. Munda 2,9 mlrd teńgege 105 úidi «Qazaq Stroy» JShS demeýshi kompaniiasy salyp jatyr. Qanat Bozymbaev merdigerlerge qurylysty belgilengen merzimnen keshiktirmeý mańyzdy ekenin atap ótti. Olar tamyz aiynyń sońyna deiin úilerdi tapsyramyz dep sendirdi.
Vitse-premer turǵyn úi qoryn qalpyna keltirý qarqynyn arttyrý úshin Batys Qazaqstan oblysyna MSQB mamandary men elimizdiń basqa óńirlerinen baǵalaý kompaniialary kelgenin habarlady. Sondai-aq ońtústik oblystardan jumys kúshi men tehnika tartylady. Oblysta kerekti qurylys materialdar jetkilikti mólsherde.
Oral mańyndaǵy Derkól kentinde 103 tiptik úi paidalanýǵa beriledi. Qanat Bozymbaev qurylys alańynda bolyp, júrgizilip jatqan jumystardyń sapasyn tekserdi. Turǵyn úiler 2,5 mlrd teńge somasyna «Aqjaĭyq» qory esebinen salynýda.
Oraldyń saiajai turǵyndaryna qala ortalyǵynan páterler berile bastady. Vitse-premer «Azimýt» jańa turǵyn úi kesheninde baspana kiltin tapsyrý rásimine qatysty. Búginde 15 otbasy páter iegeri atandy, onyń 7-eýi kópbalaly otbasy.
«Meniń tórt balam men segiz nemerem bar. 2010 jyldan bastap osy saiajaida turdyq. Kóktemde sý tasqyny boldy. Biraq memleket bizdi tastamady. Bizdi qoldady jáne baspana berdi. Árine, saiajaidy qala ortalyǵyndaǵy jańa pátermen salystyrýǵa kelmeidi. Munda men eki balammen jáne nemerelerimmen birge turamyn. Prezident eshkimdi qiyndyqqa qaldyrmaitynyn aitqan kezde, bizge úmit syilady. Biz kúttik. Kómektesken biznesmenderge kóp raqmet, shette qalmaǵan qazaqstandyqtardyń barlyǵyna raqmet», — dedi Oral turǵyny Murat Másilov.
Oblys ákimi Nariman Tóreǵalievtiń aitýynsha, atalǵan turǵyn úi keshenindegi 71 páter sý tasqyny kezinde jalǵyz baspanasynan aiyrylǵan saiajai turǵyndaryna berilmek. Páterler «AstanaMotors» JShS demeýshiniń esebinen jalpy somasy 1,5 mlrd teńgege satyp alynýda.
Batys Qazaqstan oblysynda barlyǵy 1,8 myńǵa jýyq jumysshy tartyldy jáne 300-den astam tehnika jumyldyryldy.
