Almatyda jumys isteitin jastar úshin satyp alý quqyǵynsyz jalǵa beriletin turǵyn úilerge qujat qabyldaý bastaldy
Ótinish pen qujattar www.kezekte.kz saity arqyly qabyldanady. Saitta avtorizatsiia «Azamattarǵa arnalǵan úkimet» memlekettik korporatsiiasy» KE AQ (HQKO) filialynan alýǵa bolatyn elektrondy-tsifrlyq qoltańba (ETsQ) arqyly ótedi.
Satyp alý quqyǵynsyz jalǵa beriletin turǵyn úi 3 jyl merzimge beriledi. Jalpy sany – Naýryzbai aýdanynda 2 100 páter.
Baǵdarlamaǵa qatysýǵa qoiylatyn negizgi talaptar:
‒ 35 (otyz bes) jasqa tolmaǵan, jalpy bilim beretin mektepterdiń jáne (nemese) tehnikalyq jáne kásiptik jáne (nemese) orta jáne (nemese) joǵary jáne (nemese) joǵary oqý ornynan keiingi bilim berý uiymdarynyń bilim berý oqý baǵdarlamalaryn meńgergen jáne eńbek qyzmetin júzege asyratyn Qazaqstan Respýblikasynyń azamattary;
- Almaty qalasynda turǵylyqty jeri boiynsha 3 (úsh) jyldan kem emes turaqty tirkeýdi rastaý (osy qalada turǵyn úi satyp alýǵa úmitkerler úshin);
- Almaty qalasynda 14 jastan asqan ótinish berýshiniń otbasy músheleriniń (jubaiy jáne bolǵan jaǵdaida balalary) turaqty tirkelýi;
- ótinish berýshiniń, jubaiynyń (zaiybynyń), kámeletke tolmaǵan balalarynyń ótinish berýdiń aldyndaǵy 5 (bes) jyl ishinde menshik quqyǵynda, jaldaý quqyǵymen nemese satyp alý quqyǵynsyz jalǵa beriletin turǵyn úidiń joqtyǵyn rastaý (jergilikti atqarýshy organnyń tiisti anyqtamasymen rastalatyn apatty jaǵdaidaǵy, qulaý qaýpi bar turǵyn úilerdi qospaǵanda);
- sońǵy alty aida keminde 40 (qyryq) ailyq eseptik kórsetkish (2023 jylǵa – 138 myń teńge) mólsherinen kem emes ai saiynǵy tabystyń bolýy;
- banktik jinaq shotynda 40 (qyryq) ailyq eseptik kórsetkish (2023 jylǵa – 138 myń teńge) mólsherinen kem emes qaldyq bolýy.
Qatysýshylardy irikteý baldyq júie negizinde (eń kóp ball sany boiynsha) júrgiziledi. Ball berý kriteriileri, sondai-aq qajetti qujattar tizimi joǵaryda kórsetilgen saitta ornalastyrylǵan.
Ótinish pen qujattardy tapsyrǵannan keiin baǵdarlamaǵa qatysýshylar joǵaryda kórsetilgen saittaǵy jeke kabineti arqyly berilgen ótinishtiń nátijesin derbes baqylaidy.
