Buryn Dostyq dańǵylynan Esentai ózenine deiingi Ospanov kóshesindegi trotýar tar – eni 1 metr, qala turǵyndarynyń júrýine yńǵaisyz bolatyn. Almaty ákiminiń tapsyrmasymen Terrenkýrǵa jii kelýshilerdi eskere otyryp, trotýardy 5 metrge deiin keńeitý jáne uzyndyǵy 500 metrge jýyq jaiaý júrginshiler aimaǵyn qurý týraly sheshim qabyldandy.
Medeý aýdanynyń ákimi Erkebulan Orazalinniń aitýynsha, abattandyrý jumystary osy jazda, maýsym aiynyń sońynda bastalyp, jeltoqsan aiynyń sońyna deiin aiaqtalady. Búginde kespe tastar tóselgen, kei jer asfalttalǵan, tor jáshikten tirek qabyrǵa turǵyzylǵan.
Bul jobanyń ereksheligi uzyndyǵy 420 metr jáne jalpy aýdany 1200 m2 bolatyn trotýar boiyndaǵy qabyrǵa boldy. «Birinshi qabat» graffiti-festivaliniń qorytyndysy boiynsha kóshe óneriniń performansyna qatysqan 80 sýretshiniń ondaǵan kórkem shyǵarmasy qabyrǵany bezendirdi. Is-shara «Aýdandardaǵy qalanyń mikromádeni baǵdarlamasyna arnalǵan indoor/outdoor alańdaryn qurý» jobasy boiynsha ótti.
Avtorlardyń oiynsha, qabyrǵadaǵy sýretter qazaq álipbiiniń áripterin beineleidi: barlyq 42 tańba jalpy siýjettik kompozitsiiaǵa engen. Sonymen qatar, art-nysanda qalanyń kórikti jerleri beinelengen.
Almaty ákimdiginiń, jobalyq keńse aiasyeda, shyǵarmashylyq ziialy qaýym ókilderimen – REPAS komandasynyń ókilderi jáne «Almaty Creative Bureau» basshysy Kristina Bekmýrzaevamen birlesýiniń arqasynda joba júzege asty.
Erbolat Dosaev óz kezeginde sýretshilerge qala ómirine atsalysqany úshin alǵys bildirdi. «Qaladaǵy qoǵamdyq keńistikti ónerge berýge daiynmyn. Almaty óziniń rýhyn saqtai otyryp, ózgerýge tiis», – dedi qala basshysy.
Buǵan qosa, jumys sapary barysynda Erbolat Dosaev Ospanov kóshesi men Dostyq dańǵylynyń qiylysyndaǵy eski aialdama kesheniniń ornynda zamanaýi týristik vizit-ortalyq qurý jónindegi usynysty qoldady. Onda týristerge keńes beriledi jáne jaiaý júrginshiler ekskýrsiiasy usynylady.
