Birinshi kezeńge eki avtomattandyrylǵan gaz taratý stantsiiasynyń qurylysy jáne «Almaty-Baiserke-Talǵar» jáne «Qazaqstan-Qytai» magistraldyq gaz qubyrlaryn biriktiretin TIR-04 jalǵastyrǵysh qubyrlary kirdi.
Sonymen birge Batys jylý kesheni Avtomattandyrylǵan gaz taratý stantsiiasyna jóndeý jáne qalpyna keltirý jumystary júrgizildi.
Avtomattandyrylǵan gaz taratý stantsiiasyn jáne jalǵastyrǵysh qubyrdy (TIR-04) iske qosýǵa arnalǵan is-sharaǵa Almaty qalasy ákiminiń orynbasary Asqar Ámrin «Samuryq-Qazyna» AQ Strategiia jáne aktivterdi basqarý jónindegi basqarýshy direktory Eljas Otynshiev, Almaty oblysy ákiminiń orynbasary Nurjan Qudaibergenov jáne «QazaqGaz «UK» AQ Basqarma tóraǵasy Sanjar Jarkeshov qatysty.
– Almaty JEO úshin gaz infraqurylymy qurylysynyń birinshi kezeńi aiaqtaldy. Bul Memleket basshysynyń Almaty Jylý elektr ortalyǵyn gazǵa kóshirý jónindegi tapsyrmasyn iske asyrýdaǵy alǵashqy qadam. 2030 jylǵa deiin qalanyń ónerkásiptik jáne jeke sektorlardaǵy nysandary gazdandyrylady. Tiisti jobalar qalany damytý baǵdarlamasynda jáne Almatynyń jańartylǵan Bas josparynda qamtylǵan, – dep atap ótti Almaty ákiminiń orynbasary Asqar Ámrin.
Avtomattandyrylǵan gaz taratý stantsiiasy 2-Jylý elektr ortalyǵyn tabiǵi gazben qamtamasyz etýge arnalǵan. Olardyń ónimdiligi 250 jáne 150 myń tekshe metr/saǵ. quraidy.
– Memleket basshysy Qasym-Jomart Toqaev Samuryq-Qazyna qory, QazaqGaz ulttyq kompaniiacy men Almaty qalasynyń ákimdigine atalǵan jobany jedeldetýdi tapsyrǵan bolatyn. Jalpy, elimizdiń energetika salasy, Almaty qalasynyń ekologiiasy, orta jáne shaǵyn biznesi úshin óte mańyzdy joba dep aitsam qatelespeimin. Almaty qalasynyń indýstrialdyq aimaǵynda ornalasqan biznes sýbektilerine úlken kómek bolady, – dedi «Samuryq-Qazyna» AQ Strategiia jáne aktivterdi basqarý jónindegi teń basqarýshy Eljas Otynshiev.
Sondai-aq «Qazaqstan-Qytai» magistraldy gaz qubyry men «Almaty-Baiserke-Talǵar» magistraldy gaz qubyry arasyndaǵy TIP-04 jalǵastyrǵysh gaz qubyry Almaty jylý elektr ortalyǵyn ǵana emes, sonymen birge Almaty jáne Almaty oblysynyń turǵyndaryn da turaqty gazben qamtamasyz etýge múmkindik beredi. Gaz qubyrynyń jalpy uzyndyǵy – 9,6 km, ónimdiligi – 1000 myń m3/saǵ.
– Memleket basshysynyń tapsyrmasy boiynsha QazaqGaz merziminen buryn Almaty Jylý elektr ortalyǵyn gaz infraqurylymyna aýystyrý jumystarynyń birinshi kezeńin aiaqtady. Budan bólek, Jylý elektr ortalyǵyn gazǵa kóshirý jumystarynyń kelesi kezeńine ótý úshin «Almaty-Baiserke-Talǵar» magistraldyq gaz qubyrynyń ekinshi jelisin salýǵa kirisip jatyrmyz, – dedi QazaqGaz basshysy.
Budan bólek, «Batys Jylý kesheni» avtomattandyrylǵan gaz taratý stantsiiasy «Almaty» indýstriialyq aimaǵynda iri ónerkásiptik jáne óndiristik biznes-jobalardy iske asyrý úshin gaz jetkizýge múmkindik berdi.
«Batys Jylý kesheni» avtomattandyrylǵan gaz taratý stantsiiasynyń qurylysyn 2016 jyly jeke merdigerlik uiym júrgizgen, biraq sol kúii paidalanýǵa berilmegen. 2023 jyly «QazaqGaz «UK» AQ atalǵan olqylyqty joiyp, atalǵan stantsiiany óz qarajaty esebinen jańǵyrtty. AGTS-tyń ónimdiligi 140 000 m3/saǵ quraidy, onyń ishinde stantsiianyń eki jelisi – Almaty turǵyndaryna saǵatyna 90 000 m3 jáne indýstriialyq aimaqqa saǵatyna 50 000 m3 gaz taratady.
Atap óterligi, Almaty JEO jańǵyrtý jobasyn «Samuryq-Energo» AQ júzege asyrýda. QazaqGaz kompaniiasy gaz infraqurylymyn salýmen ainalysady. Atalǵan joba – qaladaǵy jáne qala mańyndaǵy eldimekenderdegi aýanyń lastanýyn azaitý arqyly Almaty turǵyndarynyń ómir sapasyn jaqsartýǵa baǵyttalady, sondai-aq energiia tapshylyǵyn joiýǵa serpin beredi.
