Balalar densaýlyǵyn saqtaý men nyǵaitý, balalarǵa sapaly meditsinaly qyzmet kórsetýdi uiymdastyrý, balalardy emdeý men diagnostikalaýdaǵy ózekti meselelerin talqylaý, elimizdegi pediatriia qyzmetin jaqsartý maqsatynda ótken is-sharaǵa Qazaqstannyń barlyq aimaqtarynan jáne Belarýs, Resei, Tájikstan, Ózbekstan, Ulybritaniia, Germaniia, Ýkraina, Chehiia elderiniń pediatrlary men balalar hirýrgtary, ǵylymi institýttardyń jetekshi mamandary men basshylary, sondai-aq meditsinalyq JOO professorlary qatysty. Oflain jáne onlain formatynda óken konferentsiia jumysyna jalpy 4000-nan asa balalar dárigerleri qatysyp, tájiribe almasty.
Halyqaralyq konferentsiia Qazaqstan Respýblikasynyń Densaýlyq saqtaý vitse-ministri Viacheslav Dýdniktiń, S.J.Asfendiiarov atyndaǵy QazUMÝ-dyń rektory Marat Shoranovtyń, QR Densaýlyq saqtaý ministrliginiń Ana men bala densaýlyǵyn qorǵaý departamentiniń direktory Maǵripa Embergenovanyń jáne Pediatriia jáne balalar hirýrgiiasy ǵylymi ortalyǵynyń Basqarma tóraǵasy Abai Qusaiynovtyń alǵy quttyqtaý sózimen ashyldy.
Densaýlyq saqtaý vitse-ministri Viacheslav Dýdnik óziniń quttyqtaý sózinde densaýlyq saqtaý ministrliginiń balalarǵa meditsinalyq kómek kórsetý sapasyn jaqsartýǵa baǵyttalǵan birqatar mańyzdy bastamalaryn atap ótip, Pediatriia ortalyǵyn 90 jyldyq mereitoiymen quttyqtady.
«Tuqym qýalaityn aýrýlar men týa bitken damý aqaýlaryn erte anyqtaý maqsatynda elde júkti áielder men balalarǵa skriningtik zertteýler júrgiziledi. Jyl saiyn 400,0 myńnan astam júkti jáne 1,6 millionnan astam bala skriningpen qamtyldy. 18 qursaqtaǵy náresteni qorǵaý ortalyǵy qurylyp, 1,5 myńnan astam balaný damytý kabineti ashyldy. Qazaqstanda týa bitken aýytqýlardy hirýrgiialyq túzetýdiń innovatsiialyq shaǵyn invazivti ádisteri sátti qoldanylyp keledi. Jyl saiyn týa bitken aqaýlary bar jańa týǵan nárestelerge 1,5 myńnan astam hirýrgiialyq aralasý júrgiziledi. 2021 jyldyń qorytyndysy boiynsha jedel emdeý tiimdiligi 85,0% - dan asady. Búgingi tańda balalar kardiohirýrgiiasy men interventsiialyq kardiologiiasy tabysty damyp keledi. Jyl saiyn Qazaqstan Respýblikasynda týa bitken júrek aqaýlary bar balalarǵa 3 jáne 4 kúrdelilik deńgeii bar 2500-den astam hirýrgiialyq otalar jasalady. Polihimioterapiianyń, gemopoezdik diń jasýshalaryn transplantatsiialaýdyń, intravitrealdi himioterapiianyń, aǵzany saqtaityn hirýrgiialyq aralasýdyń zamanaýi baǵdarlamalaryn engizý Qazaqstanda qaterli isikteri bar balalardyń jalpy ómir súrý deńgeiin 74,6% - ǵa deiin arttyrýǵa jáne olardyń ómir súrý sapasyn jaqsartýǵa múmkindik berdi», dep atap ótti Densaýlyq saqtaý vitse-ministri V.Dýdnik.
QR Densaýlyq saqtaý ministrliginiń Ana men bala densaýlyǵyn qorǵaý departamentiniń direktory M.H.Embergenova barsha pediatrlardy mereitoimen shyn júrekten quttyqtap, kóp jylǵy minsiz eńbekterimen erekshelengen Pediatriia ortalyǵynyń birqatar qyzmetkerlerine QR DSM joǵary marapattaryn tabys etti.
Marat Shoranov balalarǵa sapaly meditsinalyq kómek kórsetýdiń mańyzdylyǵyna toqtalyp, bul máselege elimizdiń joǵarǵy basshylyǵynyń kóńil bólip otyrǵanyn aitty.
«Pediatriia jáne balalar hirýrgiiasy ǵylymi ortalyǵynyń 90 jyldyq mereitoiy Balalar jylymen tuspa-tus kelýi qýantady. Osy jyldar ishinde ortalyq sońǵy meditsinalyq tehnologiialardy meńgerip, diagnostikanyń, emdeýdiń jáne ońaltýdyń zamanaýi ádisterin engizdi, elimizge bolashaqtarynan úmit kútetin myqty jas mamandardy tárbieledi. Kásipke degen adaldyqtaryńyz ben meiirimdilikterińizge, dúniedegi eń úlken qundylyq – adam densaýlyǵy men bala ómirin saqtaýǵa qosyp jatqan jatqan súbeli úlesterińizge alǵys aitqym keledi. Osyndai bai tájiribe, klinikada keńinen qoldanylatyn zamanaýi meditsinalyq tehnologiialar, árine, ujymnyń joǵary kásibiligi - ortalyqtyń tabysty, jemisti jumysynyń kepili bolyp tabylady», dep atap ótti S.J.Asfendiiarov atyndaǵy QazUMÝ-dyń rektory M.Shoranov. Alǵy sózinde Rektor sonymen qatar ortalyqtyń eleýli tabystary men búgingi jetistikterin atap ótti.
Búgingi tańda Pediatriia jáne balalar hirýrgiiasy ǵylymi ortalyǵynda súiek kemigin transplantatsiialaý boiynsha biregei operatsiialar jasalady, himioterapiianyń innovatsiialyq tehnologiialary engizilýde. Ortalyqta asqazan-ishek joldarynyń, keýde bóligi jáne t.b. týa bitken aqaýlarmen dúniege kelgen balalarǵa túzetýdiń innovatsiialyq ádisterin qoldana otyra túrli kúrdeli otalar júrgiziledi. Kardiohirýrgiia damý ústinde, onda balalardyń júrek-qantamyr júiesiniń týa bitken damý aqaýlary túzetiledi, interventsiialyq kardiohirýrgiia qoldanylady.
Pediatriia ortalyǵy emdeý mekemesi ǵana emes, QazUMÝ-dyń kóptegen klinikalyq kafedralary, diplomnan keiingi daiarlyq jəne dərigerlerdiń mamandyǵyn jetildirý kýrstary úshin klinikalyq jəne tájirbieli kadrlardy daiyndaý oqý bazasy bolyp tabylady. «Pediatriia», «Balalar hirýrgiiasy», «Balalar onkologiiasy jáne gematologiiasy» salalary boiynsha tájirbieli mamandar daiyndaý jumystary qolǵa alynǵan. Ortalyq mamandary respýblikanyń barlyq aimaqtarynda pediatriia men balalar hirýrgiiasynyń ártúrli ózekti máseleleri boiynsha treningter men oqytý dáristerin ótkizedi. Pediatriia jəne bala hirýrgiiasy ǵylymi ortalyǵy Qazaqstan Respýblikasyndaǵy pediatriia qyzmetiniń basty úilestirýshisi bolyp tabylady. Búginde Pediatriia jáne balalar hirýrgiiasy ǵylymi ortalyǵy óziniń 90 jyldyq mereitoiyn eleýli tabystarmen, ǵylymi jetistiktermen atap ótýde dep senimmen aita alamyz.
Alqaly basqosýda Pediatriia jáne balalar hirýrgiiasy ǵylymi ortalyǵynyń ótkeni men búgini, jetistigi men damýy jáne ortalyqtyń otandyq pediatriia qyzmetiniń damýyna qosqan úlesi sóz bolyp, elimizdegi pediatriialyq qyzmettiń búgingi jaǵdaiy men baǵyt-baǵdary saralandy. Qatysýshylar balalardaǵy aýrýlardy diagnostikalaý men emdeýdiń ǵylymi-praktikalyq tájiribelerimen bólisip, balalar densaýlyǵynyń ózekti máseleleri boiynsha pikir almasty.
Eki kúnge boiy ótken halyqaralyq konferentsiia «Pediatriia jáne neonatologiianyń ózekti máseleleri», «Balalar hirýrgiiasy: baǵyttary men zamanaýi ádisteri», «Orfandyq aýrýlardy diagnostikalaý men emdeýdiń zamanaýi máseleleri», «Onkologiialyq jáne gematologiialyq aýrýlardy diagnostikalaý men emdeýdiń zamanaýi tehnologiialary», «Patologoanatomiialyq diagnostikanyń ózekti máseleleri», «Balalarǵa meditsinalyq kómek kórsetýdi uiymdastyrýdaǵy meiirgerler róli» atty sektsiialyq jumys taqyryptary aiasynda ótti.
Halyqaralyq konferentsiia jumys nátijesi náresteler men balalarǵa meditsinalyq kómek kórsetý deńgeiiniń artýyna, pediatriianyń ártúrli baǵyttaryna innovatsiialyq tehnologiialardyń engizilýine yqpal etedi dep senemiz. Konferentsiia sońynda arnaiy Qaýly qabyldanyp, onda konferentsiiaǵa qatysýshylar Qazaqstan Respýblikasyndaǵy pediatriialyq qyzmetti damytýdyń aldaǵy josparlaryn belgiledi.
Konferentsiia barysynda klinikanyń tarihy men búgini baiandalatyn «Pediatriia jáne balalar hirýrgiiasy ǵylymi ortalyǵyna-90 jyl» atty film kórsetildi.
Sharanyń uiymdastyrýshylary: QR Densaýlyq saqtaý ministrligi men N.Nazarbaev at. Tuńǵysh Prezident qorynyń jáne Qazaqstan Pediatrlar Odaǵynyń qoldaýymen Pediatriia jáne balalar hirýrgiiasy ǵylymi ortalyǵy.
Pediatriia jáne balalar hirýrgiiasy ǵylymi ortalyǵynyń negizi 1932 jyly 28 qarashada Ana men bala densaýlyǵyn qorǵaý ǵylymi zertteý institýty retinde qalandy. Búginde ortalyq bilikti de tájiribeli mamandary, qýatty materialdyq bazasy bar, jańa zaman talaptaryna sai meditsinalyq tehnologiialardy qoldanatyn jetekshi ǵylymi-zertteý jáne klinikalyq mekemege ainalyp otyr. Pediatriia ortalyǵynda 700-den astam qyzmetker balalar saýlyǵy jolynda aianbai qyzmet etýde.
Klinikada jylyna jańa týǵan náresteden bastap 18 jasqa deiingi Qazaqstannyń barlyq óńirlerinen 6000-nan astam bala em alady.
«Pediatriia jáne balalar hirýrgiiasy ǵylymi ortalyǵy» baspasóz qyzmeti
