Respýblika aýmaǵynda mediakontent óndiretin jáne taratatyn respýblikalyq jáne óńirlik radiostantsiialar, baspa jáne internet-basylymdar báigege qatysa alady.
Ótinimderdi qabyldaý 2022 jylǵy 30 qyrkúiekten bastap 19 qazanǵa deiin júzege asyrylady.
Konkýrtyq jumystar 2021 jylǵy 2 maýsym men 2022 jylǵy 29 qyrkúiek aralyǵynda jariialanyp, basylymynda, internet-resýrsta jariialanýy nemese radioefirde shyǵýy tiis. Ár úmitker báigeniń tek eki nominatsiiasyna qatysýǵa quqyly.
Ótinimder urker-awards.kz resmi saitynda 10 nominatsiia boiynsha qabyldanady:
- Jyldyń úzdik suhbaty
- Jyldyń úzdik reportajy
- Áleýmettik taqyryptaǵy úzdik material
- Jyldyń úzdik jýrnalistik zertteýi
- Jyldyń úzdik analitikalyq materialy
- Halyqaralyq taqyryptaǵy úzdik material
- Jyldyń úzdik jańalyqtar portaly
- Radiostantsiiadaǵy úzdik joba
- Jyldyń úzdik fotosýreti
- Úzdik óńirlik BAQ
Arnaiy premiialar:
- Ahmet Baitursynov atyndaǵy arnaiy premiia (baspa BAQ-taǵy joba)
- Sherhan Murtaza atyndaǵy arnaiy premiia (avtorlyq joba)
3.Batyr Qazybaev atyndaǵy arnaiy premiia (internet BAQ-taǵy joba)
Jumystardy quramyna bedeldi jýrnalister, salanyń eńbek sińirgen qairatkerleri men mediasaraptaýshylar kiretin syilyqtyń táýelsiz qazylar alqasy baǵalaityn bolady.
Konkýrs qorytyndysy boiynsha ár nominatsiianyń úzdik ókiline jeńimpaz ataǵy berilip, «URKER - 2022» estelik músinshesi jáne 1 000 000 teńge mólsherindegi aqshalai syi tabystalady.
Ulttyq báige uiymdastyrýshylary - QR Aqparat jáne qoǵamdyq damý ministrligi jáne «Media damytý qory» korporativtik qory.
«URKER» - baspa, radio, internet-jýrnalistika salasyndaǵy úzdik jetistikter úshin beriledi, aimaqtardaǵy mýltimediialyq jýrnalistikany damytýǵa yqpal etýge, jýrnalistika mártebesin arttyrýǵa, kásibi standarttar men kriterilerdi bekitýge, azamattyq belsendilikti arttyrýǵa baǵyttalǵan.
