Áleýmettik jelide "Qyzyljar batyry" laqap atymen tanylǵan bloger Prezident Qasym-Jomart Toqaevtyń AI and Digital Bridge 2026 halyqaralyq forýmynda aitqan sózine qatysty pikir bildirdi, dep habarlaidy dalanews.kz.
Ol jasandy intellekt adamnyń bilim alýyna kómekteskenimen, onyń oilaý qabiletin almastyrmaýy kerek ekenin aitty.
"Jasandy intellekt bárin jasap berse, ózimiz oilanýdy qoimaimyz ba? Ol oqýǵa, bilim alýǵa kómektesýi kerek. Biraq adamnyń oilaý qabiletin almastyrmaýy tiis", – dedi bloger.
"Qyzyljar batyry" jasandy intellekt salasyna tym qatań shekteý qoiýdyń da keri áseri bolýy múmkin ekenin atap ótti. Sebebi mundai jaǵdaida bilikti mamandar men jańa jobalar basqa elderge ketýi yqtimal. Sondyqtan azamattardyń qaýipsizdigin qamtamasyz ete otyryp, tehnologiianyń erkin damýyna jaǵdai jasaý qajet.
Bloger otandyq mamandardy daiarlaý máselesine de toqtaldy. Onyń sózinshe, jańadan ashylǵan ýniversitet meditsina, energetika jáne óndiris salalaryna qajetti tehnologiialardy jasaityn kadrlardy oqytýǵa úles qosýy kerek.
"Qansha myqty tehnologiia bolsa da, ony durys qoldanatyn bilimdi adam qajet. Sondyqtan jasandy intellekt damyǵan saiyn bizdiń bilimimiz ben oilaý qabiletimiz de qatar damýǵa tiis", – dep qorytyndylady ol.
