Ólim aýzyndaǵy Nazarbaevtyń inisi kásipkermen sottasyp, 500 myń teńge óndirdi
Qazaqstannyń eks-prezidentiniń inisi ózine jala japqan kásipkerden jarty million teńge óndirip aldy, dep habarlaidy Azattyq Ruhy.
"Almaty Steklo" JShS quryltaishysy Ázim Abdýllaev Bolat Nazarbaevty shyny zaýytyn reiderlik jolmen basyp aldy dep aiyptap, ekonomikalyq sotqa talap aryz bergennen keiin burynǵy memleket basshysynyń inisi ar-namysy men abyroiyn qorǵaý úshin N2 Áýezov aýdandyq sotyna júgindi.
Bolat Nazarbaevtyń ókili "YouTube" beinehosting platformasynda, sondai-aq keibir BAQ-ta Ázim Abdýllaev talapkerdiń ar-namysyna, qadir-qasietine jáne iskerlik bedeline nuqsan keltiretin shyndyqqa sáikes kelmeitin aqparatty taratqanyn aitty.
Nazarbaev 1,5 million teńge kólemindegi moraldyq shyǵyn óteýdi talap etti. Sot talapty ishinara qanaǵattandyrdy. Biraq, 1,5 million teńgeniń ornyna Ázim Abdýllaevtan 500 myń teńge óndirip aldy.
