قازاقستاننىڭ ەكس-پرەزيدەنتىنىڭ ءىنىسى وزىنە جالا جاپقان كاسىپكەردەن جارتى ميلليون تەڭگە ءوندىرىپ الدى، دەپ حابارلايدى Azattyq Ruhy.
"الماتى ستەكلو" ج ش س قۇرىلتايشىسى ءازىم ابدۋللايەۆ بولات نازاربايەۆتى شىنى زاۋىتىن رەيدەرلىك جولمەن باسىپ الدى دەپ ايىپتاپ، ەكونوميكالىق سوتقا تالاپ ارىز بەرگەننەن كەيىن بۇرىنعى مەملەكەت باسشىسىنىڭ ءىنىسى ار-نامىسى مەن ابىرويىن قورعاۋ ءۇشىن N2 اۋەزوۆ اۋداندىق سوتىنا جۇگىندى.
بولات نازاربايەۆتىڭ وكىلى "YouTube" بەينەحوستينگ پلاتفورماسىندا، سونداي-اق كەيبىر باق-تا ءازىم ابدۋللايەۆ تالاپكەردىڭ ار-نامىسىنا، قادىر-قاسيەتىنە جانە ىسكەرلىك بەدەلىنە نۇقسان كەلتىرەتىن شىندىققا سايكەس كەلمەيتىن اقپاراتتى تاراتقانىن ايتتى.
نازاربايەۆ 1،5 ميلليون تەڭگە كولەمىندەگى مورالدىق شىعىن وتەۋدى تالاپ ەتتى. سوت تالاپتى ءىشىنارا قاناعاتتاندىردى. ءبىراق، 1،5 ميلليون تەڭگەنىڭ ورنىنا ءازىم ابدۋللايەۆتان 500 مىڭ تەڭگە ءوندىرىپ الدى.
