Forýmǵa media qoǵamdastyqtyń, sondai-aq úkimettik emes uiymdar (ÚEU) ókilderi, Ortalyq Aziia elderinde jáne shetelde zorlyqqa ákeletin radikalizm máseleleri boiynsha pikir jetekshileri men sarapshylar qatysýda.
Forýmnyń maqsaty - Ortalyq Aziia elderindegi radikalizatsiianyń aldyn alýdaǵy BAQ rólin talqylaý, sonymen qatar sátti jergilikti jáne ǵalamdyq media bastamalardy júzege asyrý, saraptamalyq sessiialar ótkizý jáne táýelsiz buqaralyq aqparat quraldarynyń óz qoǵamdastyqtarymen ózara árekettesý jáne nyǵaitý mysaldaryn kórsetý (ásirese, jastarmen, áieldermen, azshylyq ulttarmen jáne dindermen).
Shara uiymdastyrýshylarynyń aitýynsha zorlyqqa ákeletin radikalizatsiianyń aldyn-alý jónindegi BAQ bastamalaryn jan-jaqty talqylaý aimaqtaǵy únqatysýdy kúsheitý úshin ulttyq jáne aimaqtyq yntymaqtastyqty nyǵaitýǵa kómektesedi jáne osy saladaǵy sheshimder men tabysty tájiribeler úshin mańyzdy alań usynady.
Forýmnyń formaty da qyzyqty. Sharanyń alǵashqy kúni "ARTiShOK" eksperimentaldy teatrynda media saýattylyq boiynsha «Talk-ylaý bolady!» konferentsiiasy ótti.
Talqylaýda Orta Aziia elderinen kelgen 9 sarapshy qoǵamnyń radikaldandaýyna jol bermeý, jalǵan aqparatpen kúres, BAQ-taǵy arandatý máselelerine qatysty óz oilaryn ortaǵa saldy.
Sharanyń shymyldyǵyn túrgen EýroOdaqtyń Qazaqstandaǵy ókildiginiń tóraǵasy Sven-Olov Karlsson mundai forýmdardyń mańyzyna toqtalyp, qazirgi kúni mediasaýatty bolýǵa umtylý kerektigin aitty.
"Biz aqparattyq tehnologiialar zamanynda ómir súremiz. Búgingi media quraldar bizdiń ortamyzǵa, kózqarasymyzǵa, sonymen qatar atqarǵan isimizge óz áserin tigizedi.
Jańa media quraldar chattar, messendjerler, áleýmettik jeliler bizdiń ómirimizdiń ajyramas bóligine ainalǵan.
Endeshe árbir adam osynaý media-júieniń bir bólshegine ainaldy deýge negiz bar", – dedi ol.
Forým taqyrybynyń «Talk-ylaý bolady!» dep tańdalýy da tegin emes. Taqyryp urany: «We are the message» (Biz - messedj, habarlandyrý) dep atalady.
Al "Kontent festivali" aiasynda «Ortalyq Aziiadaǵy turaqtylyq pen beibitshilikke járdemdesý» aiasynda qarjylandyrylǵan eń úzdik media jobalar tanystyryldy. Qatysýshylar joba aiasynda qandai tájiribe jinap, qandai qiyndyqtardy eńsergenin sóz etti.
Al búgin forým qatysýshylary «Zorlyq ekstremizminiń aldyn-alýdaǵy BAQ róli» taqyrybyn talqylap, jahandyq deńgeide jáne Orta Aziia elderindegi radikalizatsiianyń aldyn alýdaǵy BAQ róline baǵa berdi.
Konferentsiianyń negizgi úndeýi: buqaralyq aqparat quraldary protsestiń belsendi qatysýshylary jáne radikalizatsiianyń aldyn alýda mańyzdy jáne orny tolmas ról atqarady.
Aita ketelik «Zorlyq ekstremizminiń aldyn alýdaǵy BAQ róli» forýmy úsh kún ishinde eki jerde ótetin tórt sharadan turatyn innovatsiialyq jáne eksperimentaldy qoǵamdyq alań bolyp tabylady.
Forýmnyń úshinshi kúni "Media Laboratoriia" atty taqyryp aiasynda ótedi. Munda qatysýshylar - kásibi jýrnalistikanyń qaqtyǵys jaǵdailaryna jeteleitin taqyryptarǵa qatysty kózqarasyn ortaǵa salady.
Halyqaralyq forým Eýropalyq Odaq qarjylandyratyn jáne Internews júzege asyratyn «Ortalyq Aziiadaǵy turaqtylyq pen beibitshilikti nyǵaitý» jobasy aiasynda uiymdastyrylyp otyr.
