Ótken sailaý el úshin de, men úshin de ońai bolǵan joq!
10 maýsymnan keiin sailaýǵa qatysty ózimniń pozitsiiamdy bildirip, birneshe suqbat berdim (onyń bári osy FB-da jariialanǵan).
Soǵan qosarym mynaý!
Men oppozitsiialyq ideialardy satqan joqpyn! Biliktiń printsipti qarsylasy bop qala beremin. Qoǵamda bop jatqan oqiǵalar týraly pikirimdi meilinshe ashyq aita bermekpin. Biraq dialog jolyn da joqqa shyǵarmaimyn: ol myna, qaýpi men qateri kóp, almaǵaiyp zamanda memleketimizdi saqtap qalýdyń bir joly.
Ras, sailaý qorytyndysyn moiyndaýym kóptegen aǵaiynnyń synyn, renishin týǵyzǵany ras. Ol málimdememniń sebepteri týraly men sol suqbattarymda taratyp aitqanmyn (tómendegi videosuqbatta da sol týraly qosymsha aqparat bar).
Ol tańdaý - meniń qazaq, azamat, saiasatker retinde oryn alǵaly turǵan qantógiske jol bermeý nietimnen týǵanyn taǵy da qaitalap aitamyn.
Men kóshege shyqqanda maǵan erip shyǵatyn 10 myń adamnyń 100-in bul bilik aiamai, qyryp salatyn edi! Men ondai joldy qalamadym!
Ol qiyn tańdaýymnyń durys ne burys bolǵanyna baǵany Ýaqyt bere jatar. Jáne de tájiribeli saiasatker retinde dál sol tańdaýym úshin qoǵamnyń bir bóligi tarapynan qatty synǵa ushyraitynymdy men bildim. Sony bile otyryp, sondai sheshim qabyldadym!
Sonymen birge, meniń evoliýtsiialyq, beibitshil jolymdy qoldap jatqan aǵaiyn da az emes. Osy jelide, messendjerlerde jáne kezdeskende sol qoldaýdy estip-bilip jatyrmyn. Soǵan rahmet!
Qoǵam árpikirli bolǵan soń, solai bolady. Ony men túsinistikpen qabyldaimyn.
Jáne de 22 jyl boiyna aityp kele jatqan demokratiialyq ustanymdarymnan men ainymaimyn! Sailaý kezindegi baǵdarlamamda jariialanǵan barsha áleýmettik-ekonomikalyq, saiasi talaptarymdy júzege asyrý úshin qolymnan kelgenniń bárin istep, aǵartýshylyq, saiasi qyzmetimdi jalǵastyra bermekpin. Qolymdaǵy qalamymdy eshkim de tartyp ala almaidy!
https://youtu.be/0sajkZNnSao
