Pavlodar oblysynda biyl 7 myńnan astam balǵyn qazaq synybyna barady
Bul týraly agenttiktiń joldaǵan resmi saýalyna bergen jaýabynda oblystyq bilim berý basqarmasy basshysynyń orynbasary Jomart Qarambaev málim etti.
«Aldyn ala málimetter boiynsha, 1 synyp oqýshylary úshin qosymsha 100-den asa synyp jiyntyǵy ashylady. Pavlodar qalasynda № 12 (2 top, 53 bala), № 31 (1 top, 20 bala), № 42 (2 top, 58 bala) mektepterinde úsh shaǵyn ortalyq jabyldy.
№ 36 JOM shaǵyn ortalyǵynda toptar sany qysqartyldy (4 toptyń ishinde 2 top, 50 bala qaldy). Ekibastuz qalasynda № 9 (2 top, 48 bala), № 23 JOM (2 top, 32 bala) janynan eki shaǵyn ortalyq jabyldy»,- deidi Jomart Qarambaev hattyń jaýabynda.
«Osy baǵyttaǵy jumys kezeń-kezeńmen jalǵasady. 2019-2020 oqý jyly 1 synypqa 14 myńnan astam balǵyndy qabyldaý kútilýde. Onyń 8 myńnan astamy - alty jastaǵy balalar. 1 synypqa qujattardy qabyldaý tamyz aiynyń sońyna deiin jalǵasady. 7000 balany qazaq tilinde oqytý josparlanýda. Biylǵy jyly 1 tamyzdaǵy jaǵdai boiynsha Pavlodar qalasynda 1 synypqa qabyldanǵan balalardyń eń kóp sany № № 22, 39, 9, 42, 29, 24, 34, 25 mektepterde tirkelgen.
1 synyp oqýshylaryn oqýlyqtarmen qamtamasyz etý 100 paiyzdy quraidy».
Eske sala keteiik, byltyrǵy jyly jańa oqý jylynda 12 myńnan astam bala mektep tabyldyryǵyn attady. Bul 2017 jylmen salystyrǵanda 3 myń oqýshyǵa artyq.
