بۇل تۋرالى اگەنتتىكتىڭ جولداعان رەسمي ساۋالىنا بەرگەن جاۋابىندا وبلىستىق ءبىلىم بەرۋ باسقارماسى باسشىسىنىڭ ورىنباسارى جومارت قارامبايەۆ ءمالىم ەتتى.
«الدىن الا مالىمەتتەر بويىنشا، 1 سىنىپ وقۋشىلارى ءۇشىن قوسىمشا 100-دەن اسا سىنىپ جيىنتىعى اشىلادى. پاۆلودار قالاسىندا № 12 (2 توپ، 53 بالا)، № 31 (1 توپ، 20 بالا)، № 42 (2 توپ، 58 بالا) مەكتەپتەرىندە ءۇش شاعىن ورتالىق جابىلدى.
№ 36 جوم شاعىن ورتالىعىندا توپتار سانى قىسقارتىلدى (4 توپتىڭ ىشىندە 2 توپ، 50 بالا قالدى). ەكىباستۇز قالاسىندا № 9 (2 توپ، 48 بالا)، № 23 جوم (2 توپ، 32 بالا) جانىنان ەكى شاعىن ورتالىق جابىلدى»،- دەيدى جومارت قارامبايەۆ حاتتىڭ جاۋابىندا.
«وسى باعىتتاعى جۇمىس كەزەڭ-كەزەڭمەن جالعاسادى. 2019-2020 وقۋ جىلى 1 سىنىپقا 14 مىڭنان استام بالعىندى قابىلداۋ كۇتىلۋدە. ونىڭ 8 مىڭنان استامى - التى جاستاعى بالالار. 1 سىنىپقا قۇجاتتاردى قابىلداۋ تامىز ايىنىڭ سوڭىنا دەيىن جالعاسادى. 7000 بالانى قازاق تىلىندە وقىتۋ جوسپارلانۋدا. بيىلعى جىلى 1 تامىزداعى جاعداي بويىنشا پاۆلودار قالاسىندا 1 سىنىپقا قابىلدانعان بالالاردىڭ ەڭ كوپ سانى № № 22، 39، 9، 42، 29، 24، 34، 25 مەكتەپتەردە تىركەلگەن.
1 سىنىپ وقۋشىلارىن وقۋلىقتارمەن قامتاماسىز ەتۋ 100 پايىزدى قۇرايدى».
ەسكە سالا كەتەيىك، بىلتىرعى جىلى جاڭا وقۋ جىلىندا 12 مىڭنان استام بالا مەكتەپ تابىلدىرىعىن اتتادى. بۇل 2017 جىلمەن سالىستىرعاندا 3 مىڭ وقۋشىعا ارتىق.
